ముంబై: 8 నవంబర్ 2016న ప్రధాని నరేంద్ర మోడీ రూ.500, రూ.1000 నోట్లను రద్దు చేస్తూ ఎవరూ ఊహించని విధంగా సంచలన ప్రకటన చేశారు. నల్ల ధనాన్ని అరికట్టేందుకు, అవినీతి, లంచగొండిని తగ్గించేందుకే ఈ చర్యలు తీసుకున్నారు. ఆ తర్వాత కేంద్ర ప్రభుత్వం రూ.2000 నోటును తీసుకు వచ్చింది. రూ.500 నోటుకు కొత్త రూపు ఇచ్చింది. ఆ తర్వాత రూ.200, రూ.100, రూ.50, రూ.10 నోట్లను కొత్తగా తీసుకు వచ్చింది. ఇప్పటి వరకు కేవలం రూ.20 నోటును మాత్రమే సరికొత్తగా తీసుకురాలేదు.

కొత్తగా రానున్న రూ.20 నోటు ఎలా ఉంటుందనే విషయంపై ఇప్పటి వరకు ఎలాంటి అప్‌డేట్ లేదు. ఏ రంగులో ఉంటుంది, ఏ విధంగా ఉంటుందనే విషయం తెలియరాలేదు. మహాత్మా గాంధీ (కొత్త) సిరీస్‌తో వచ్చిన నోట్లను పరిశీలిస్తే కొన్ని సాధారణ లక్షణాలు కలిగి ఉన్నాయని, కాబట్టి రూ.2000 నోటు, రూ.500 నోట్లకు సిమిలర్‌గా రూ.20 నోటు రావొచ్చునని భావిస్తున్నారు.

ముఖ భాగంలో... డినామినేషనల్ న్యూమరల్‌తో పాటు లాటెంట్ ఇమేజ్, దేవనాగిరి లిపిలో డినామినేషనల్ న్యూమరల్‌, మహాత్మా గాంధీ చిత్రం దిశ, సంబంధిత స్థానం మార్పు, గ్యారంటీ క్లాజ్, గవర్నర్ సిగ్నేచర్... ప్రామిస్ క్లాజ్‌తో, కుడివైపున ఆర్బీఐ చిహ్నం, పోట్రెయిట్ మరియు ఎలక్ట్రోటైప్ వాటర్ మార్క్స్, టాప్ లెఫ్ట్ సైడ్‌లో మరియు కింద కుడి వైపున.. న్యూమరల్ నెంబర్ ప్యానెల్ చిన్న సైజ్ నుంచి పెద్దగా, రూపాయి గుర్తుతో డినామినేషనల్ నెంబర్, కుడి వైపున అశోక స్తంభం ఉండవచ్చునని అంచనా వేస్తున్నారు.

రివర్స్ సైడ్‌లో ఎడమ వైపున నోట్ ప్రింట్ చేసిన సంవత్సరం, స్వచ్ఛ భారత్ స్లోగన్ లోగో, స్లోగన్, మధ్యలో లాంగ్వేజ్ ప్యానెల్, కుడి వైపున దేవనాగరి లిపిలో డినామినేషనల్ న్యూమరికల్.