ప్రదర్శనకు తీసుకు వచ్చిన రూ.2 కోట్లకు పైన విలువ గల లంబోర్గిని హరికేన్ కారు తుక్కుతుక్కు అయింది. ఈ సంఘటన ఎక్కడ జరిగిందో తెలియదు. కానీ ప్రదర్శనలో ఉంచేందుకు తీసుకు వచ్చిన ఈ కారు చెట్టుకు ఢీకొని తుక్కు తుక్కు అయిందని సోషల్ మీడియాలో ఓ వీడియో పోస్ట్ చేశారు. దీంతో కారులోని డ్రైవర్ కన్నీటి పర్యంతమయ్యాడు.

ఈ కారు విలువ అక్షరాలు రూ.2,28,25,369. కారును ప్రదర్శించే సమయంలో కేవలం ఒక్క నిమిషంలోనే ఈ కారు డ్రైవర్ కంట్రోల్ తప్పింది. వెంటనే చెట్టుకు, గోడకు ఢీకొట్టింది. సన్నటి దారి గుండా వెళ్తుండగా ఈ కారు కంట్రోల్ తప్పింది. డ్రైవర్ అదుపు చేసే సమయం కూడా లేకుండానే బానెట్ దెబ్బతిన్నది.

స్పోర్ట్స్ కార్ లాంచ్ ఈవెంట్ కార్యక్రమంలో ఇది జరిగింది. ఇరుకైన వీధిలో విలాసవంతమైన కార్లు కొలువుదీరాయి. కార్లు ప్రదర్శన ఇస్తున్నాయి. ఇదే సమయంలో గ్రే కలర్ లంబోర్గిని హరికేన్ కారు అక్కడకు వచ్చింది. తన వంతు రాగానే కారు దూసుకెళ్లింది. కొన్ని నిమిషంలోనే అదుపు తప్పింది. డ్రైవర్ కన్నీటి పర్యంతమవుతూ అందులో నుంచి బయటకు వచ్చాడు. ఈ వీడియో వైరల్‌గా మారింది.