రియాల్టీ రంకెలు

నేటి నుంచి ఎంబసీ రీట్స్ ఐపీఓ ప్రారంభమైంది. సుమారు రూ.4400 కోట్లను సమీకరించేందుకు ఎంబసీ - బ్లాక్ స్టోన్ సంస్థలు సిద్ధమయ్యాయి. దేశంలో మొట్టమొదటి రీట్స్ ఐపీఓకు మంచి స్పందనే వస్తోంది. ఇలాంటివి భవిష్యత్తులో మరిన్ని వచ్చే అవకాశాలున్న నేపధ్యంలో దేశీయ రియల్ ఎస్టేట్ స్టాక్స్ కూడా ఎగిరి గంతేశాయి.

ప్రెస్టేజ్ ఎస్టేట్స్ ఏకంగా 16 శాతం లాభపడి ఏడు నెలల గరిష్ట స్థాయికి చేరింది. బ్రిగేడ్ 7.5 శాతం పెరిగింది. దీంతో పాటు గోద్రెజ్ ప్రాపర్టీస్, ఐబి రియల్ ఎస్టేట్, ఒబెరాయ్ రియాల్టీ, శోభా స్టాక్స్ రెండున్నర శాతానికి పైగానే లాభపడ్డాయి.

హిందుస్తాన్ ఏరోనాటిక్స్ బంపర్ డివిడెండ్

గతేడాది లిస్ట్ అయిన హిందుస్తాన్ ఏరోనాటిక్స్ సంస్థ భారీ డివిడెండ్‌ను ప్రకటించింది. ఏకంగా ఒక్కో షేర్‌కు రూ.19.80 డివిడెండ్ ఇచ్చింది. దీంతో ఇంట్రాడేలో స్టాక్ 6.5 శాతం లాభపడింది. చివర్లో కొద్దిగా లాభాల స్వీకరణ వచ్చింది. స్టాక్ 4 శాతం లాభపడి రూ.700 దగ్గర క్లోజైంది.

స్టెరిలైట్‌లో ఆగని పతనం

వేదాంతా ఎఫెక్ట్ కారణంగా స్టెరిలైట్ టెక్నాలజీస్ స్టాక్ అంతకంతకూ పడిపోతోంది. ఈ రోజు కూడా యావరేజ్ వాల్యూమ్స్ కంటే ఐదు రెట్లు ఎక్కువ జరిగింది. స్టాక్ మరో 5 శాతం కోల్పోయి రూ.219 దగ్గర క్లోజైంది.

మారుతి.. ఆఫ్ రోడ్

మారుతి సుజుకి మెల్లిగా ప్యాసింజర్ కార్ మార్కెట్‌పై తన పట్టును కోల్పోతోంది. గతేడాది మార్చిలో ఏకంగా ఒక క్వార్టర్ పాటు ప్రొడక్షన్ కట్ చేసినట్టు వార్తలొచ్చాయి. దీంతో ఈ స్టాక్ 3 శాతం నష్టపోయి రూ.6910 దగ్గర క్లోజైంది.

జూబిలెంట్ గెయిన్స్

డొమినోస్ పిజ్జా చైన్ ఆపరేటర్ సంస్థ జూబిలెంట్ ఫుడ్ వర్క్స్ తన వ్యాపారాన్ని బంగ్లాదేశ్‌కు విస్తరించింది. దీంతో స్టాక్ 3.5 శాతం పెరిగి రూ.1387 దగ్గర క్లోజైంది.

10 నెలల కనిష్టానికి లుపిన్

లుపిన్‌కు చెందిన సబ్సిడరీ సంస్థ నోవెల్ ల్యాబొరేటరీస్‌కు యూఎస్ఎఫ్‌డిఏ నుంచి మరో కష్టమొచ్చిపడింది. తమ న్యూజెర్సీ ప్లాంట్‌కు అఫిషియల్ యాక్షన్ ఇండికేటెడ్ నోటీస్ అందింది. దీంతో స్టాక్ 10 నెలల కనిష్టానికి దిగొచ్చింది. ఇంట్రాడేలో 7 శాతం వరకూ నష్టపోయింది. చివరకు 4 శాతం కోల్పోయి రూ.754 దగ్గర క్లోజైంది.