కాపురంలో 'మెసేజ్' చిచ్చు: బిలియనీర్ గర్ల్‌ఫ్రెండ్ సోదరుడే 2 లక్షల డాలర్లకు లీక్ చేశాడా?

ప్రియురాలి సోదరుడే బహిర్గతం చేశాడు

దీనిని బహిర్గతం చేసింది ప్రియురాలు లూరెన్ సాంజెస్ సోదరుడే కావడం గమనార్హం. ఈ టెక్స్ట్ సందేశాన్ని 2 లక్షల డాలర్లకు అతను మీడియాకు అమ్మివేశాడు. విచారణలో ఈ విషయం తెలిసింది. ఈ ఏడాది జనవరి నెలలో ఎక్వయిరర్ పత్రిక జెఫ్ బెజోస్‌కు సంబంధించిన టెక్స్ట్ సందేశాలను ప్రచురించింది. అతనికి మాజీ యాంకర్ లూరిన్‌తో బెజోస్‌కు వివాహేతర సంబంధం ఉందని పేర్కొంది. ఈ విషయం వెలుగుచూడగానే జెఫ్ బెజోస్ సతీమణి విడాకులు ఇచ్చింది.

మీడియాకు సమాచారం

జెఫ్ బెజోస్ స్నేహితురాలు సాంజెస్ సోదరుడి పేరు మైఖేల్ సాంజెస్. అతనే మీడియాకు వారి మధ్య జరిగిన రహస్య సమాచారం ఇచ్చాడని మీడియాలో వార్తలు వస్తున్నాయి. దీంతోనే వారి మధ్య ఎలాంటి సంబంధం ఉందనే విషయం వెలుగు చూసిందట. అయితే ఎంక్వయిరర్ తమ కుటుంబంలో చిచ్చు రాజేసిందని, డబ్బు కోసం బ్లాక్ మెయిల్ చేసిందని జెఫ్ బెజోస్ గత నెలలో ఆగ్రహం వ్యక్తం చేసారు.

రెండు రకాల వాదనలు

ఈ వివాదంలో మరో ట్విస్ట్ కూడా కొనసాగుతోంది. జెఫ్ బెజోస్‌కు చెందిన వాషింగ్టన్ పోస్ట్ పత్రిక తరుచూ అమెరికా అధ్యక్షులు డొనాల్డ్ ట్రంప్‌ను ఇబ్బందులకు గురి చేసిందని, ఈ నేపథ్యంలో ట్రంప్‌ ఆప్తుడైన ఎంక్వయిరర్ యజమాని రంగంలోకి దిగి ఈ జెఫ్ బెజోస్, ఆమె స్నేహితురాలి మధ్య జరిగిన సందేశాలను సంపాదించారని అంటున్నారు. దీనిపై తాజాగా మరో పత్రికలో ఇంకో కొత్త కథనం వచ్చిందట. జెఫ్ బెజోస్ స్నేహితురాలు లేదా ప్రియురాలు లూరెన్ సోదరుడే ఈ వ్యవహారానికి అంతటికి కారణమని అంటున్నారు. రాజకీయ కారణాలతో ఆమె సోదరుడు వీటిని లీక్ చేసి ఉంటాడని భావిస్తున్నారు. ట్రంప్ అంతర్గత మిత్రవర్గంలో అతను కూడా ఉండవచ్చునని అనుమానిస్తున్నారు. తనపై అన్నీ అవాస్తవాలు ప్రచురితం అవుతున్నాయని జెఫ్ ప్రియురాలి సోదరుడు అన్నారు.