మహింద్ర అండ్ మహింద్ర విడుదల చేసిన ఎక్స్ యూవి 300 కంపాక్ట్ అమ్మకాల్లో రికార్డ్ సాధిస్తోంది.విడుదల చేసిన ఒక్క నెలలోనే 13000 కు పైగా బుకింగ్ లు అయ్యాయని కంపనీ చీఫ్ ఆఫ్ సేల్స్ విజయ్ రాం నక్రా తెలిపారు.గట్టి పోటి ఉండే ఎక్స్ యూవి శ్రేణిలో మార్కెట్ లో విడుదల చేసిన నెలలోనే 13 వేల అమ్మకాలు జరగడంతో టాప్ 3 ఉంది. కాగా దేశ వ్యాప్తంగా ఎక్సయూవీ అమ్మకాల్లో కంపాక్ట్ ఎక్స్ యూవీలే 40 శాతం విక్రయాలు ఉంటాయి.

కాగా గత కొద్ది సంవత్సరాలుగా ఎక్స్ యూవీ సెగ్మంట్ లే ఎక్కువగా పుంజుకుంటున్న వాటిలో ఉన్నాయి. ఈ మొత్తం బుకింగ్స్‌లో 75 శాతం టాప్‌ ఎండ్‌ వేరియంట్స్ ఉండటం ఎంతో ఉత్సాహాన్ని కలిగిస్తోందని విజయ్‌ రాం తెలిపారు. ఎక్స్‌యూవీ 300 వేరియంట్ల ధరలు రూ. 7.90 లక్షల నుంచి రూ. 11.99 లక్షలుగా ఉన్నట్లు సంస్థ వెల్లడించింది. పెట్రోల్‌, డీజిల్‌ రెండు వెర్షన్లలో లభిస్తోంది.