హైదరాబాద్ : 799 రూపాయలకే ఫ్లైట్ జర్నీయా? అన్ని రూట్లలో కూడా ఇదే ధరనా? అంటే అవుననే అంటోంది ట్రూజెట్ విమానయాన సంస్థ. మార్చి 8 వ తేదీ నుంచి 17వ తేదీ వరకు బుకింగ్ చేసుకోవచ్చని సూచించింది. ట్రూజెట్ పేరుతో విమానయాన రంగంలో రాణిస్తున్న టర్బో మెగా ఎయిర్ వేస్ "గ్రేట్ టేకాఫ్ సేల్" ను ప్రకటించింది. వినియోగదారును ఆకట్టుకునే విధంగా తక్కువ ధరకే ఫ్లైట్ జర్నీ అవకాశం కల్పిస్తోంది.

దాదాపు అన్ని రూటల్లో బేస్ ఫెయిర్ 799 రూపాయలు కాగా పన్నులు అదనం. మార్చి 8 నుంచి 17వ తేదీ మధ్యలో బుకింగ్ చేసుకుని.. మార్చి 8 నుంచి అక్టోబర్ 26 వరకు ప్రయాణించేవారికి మాత్రమే ఈ ఆఫర్ వర్తించనుంది. గ్రేట్ టేకాఫ్ సేల్ లో భాగంగా దాదాపు లక్ష సీట్లను 799/- కింద ఆఫర్ చేస్తున్నట్లు తెలిపారు ట్రూజెట్ సీసీవో సుధీర్ రాఘవన్.

ఉడాన్ ప్రాజెక్టు ఆసరాగా స్కై ఫర్ ఆల్ ప్రోగ్రామ్ కింద చిన్న పట్టణాలతో మెట్రో నగరాలను లింకప్ చేస్తోంది ట్రూజెట్. మరోవైపు కంపెనీని వృద్ధి చేసే క్రమంలో వెబ్ సైట్ కు కొత్త సొబగులు అద్దింది. అంతేకాదు ఎయిర్ లైన్ ఇమేజ్ ను రీ బ్రాండ్ చేసే కార్యక్రమం మొదలుపెట్టింది. అందులోభాగంగా ట్రూ జెట్ సిబ్బంది ఇకపై కొత్త డ్రెస్ కోడ్ లో ప్రయాణీకులకు సేవలందిస్తారని వివరించారు సీఈవో ఎల్ఎస్ఎన్ మూర్తి.