10 విభాగాల్లోనే... 1000 కంపెనీలు

ప్రస్తుతం టాటా సన్స్ ఉప్పు నుంచి విమానాల తయారీ వరకూ వివిధ వ్యాపారాల్లో పాతుకుపోయింది. అయితే ఒకేతరహా వ్యాపారం ఉండి వేర్వేరు సంస్థలుగా ఉన్నవాటన్నింటినీ ఒక వెర్టికల్ కిందికి తీసుకురావాలని ఛైర్మన్ చంద్రశేఖరన్ నిర్ణయించారు. సింప్లిఫై, సినర్జీ, స్కేల్ అనే మాటను ఆయన ఇప్పుడు తరచూ ఉపయోగిస్తున్నారు. అందుకే 10 విభాగాలుగా మొత్తం సంస్థలను విడగొట్టి వాటికి హెడ్స్‌ను కోఆర్డినేటర్స్‌గా నియమించబోతున్నారు.

ఏ విభాగంలో ఏది

ఐటీలో టాటా కన్సల్టెన్సీ, టాటా ఎలక్సి ఉన్నాయి.

• - స్టీల్ విభాగంలో టాటా స్టీల్
• - ఆటోమోటివ్‌లో టాటా మోటార్స్, జాగ్వర్ ల్యాండ్ రోవర్, టాటా ఆటో కాంప్ సిస్టమ్స్
• - కన్స్యూమర్ రిటైల్ - టాటా కెమికల్స్, టాటా గ్లోబల్ బెవరేజెస్, వోల్టాస్, టైటాన్, ఇన్ఫినిటీ , ట్రెంట్
• - ఇన్ఫ్రాస్ట్రక్చర్ - టాటా పవర్, టాటా హౌసింగ్, టాటా కన్సల్టింగ్, టాటా రియాల్టీ, టాటా ప్రాజెక్ట్స్
• - ఫైనాన్షియల్ సర్వీసెస్ - టాటా క్యాపిటల్, టాటా అసెంట్ మేనేజ్మెంట్, టాటా ఏఐజీ, టాటా ఏఐఏ లైఫ్
• - ఏరోస్పేస్, డిఫెన్స్‌లో టాటా ఎడ్వాన్స్డ్‌ సిస్టమ్
• - ట్రావెల్‌ - ఇండియన్ హోటల్స్, విస్తారా, ఎయిర్ ఏషియా ఇండియా
• - టెలికాం - టాటా కమ్యూనికేషన్స్, టాటా స్కై, టాటా టెలీ
• - ట్రేడింగ్ - టాటా ఇన్వెస్ట్మెంట్ కార్పొరేషన్, టాటా ఇండస్ట్రీస్, టాటా ఇంటర్నేషనల్.



ఖర్చుల నియంత్రణ కోసం

ప్రస్తుతం టాటా గ్రూపులో సుమారు 100 ఆపరేటింగ్ కంపెనీలు ఉన్నాయి. వీటికి 1000 సబ్సిడరీసంస్థలున్నాయి. వాటిల్లో 30 సంస్థలు స్టాక్ మార్కెట్లో లిస్ట్ అయ్యాయి. తాజాగా 10 విభాగాలుగా మొత్తం వ్యాపారాన్ని విభజించడం వల్ల ఏ సంస్థలో ఏం జరుగుతోందో తెలుసుకోవడంతోపాటు గ్రూపు సంస్థల మధ్య సమన్వయానికి తోడ్పడ్తుంది. ఖర్చులు నియంత్రణంలో ఉంచుకుని లాభాలను పెంచుకునేందుకు ఇది దోహదపడ్తుందనే విషయాన్ని టాటా సన్స్ పదే పదే చెబ్తోంది.