వీడియో కాన్ కేసులో ఐసిఐసిఐ మాజీ సీఈవో చందాకోచ్చర్ ,వీడియో కాన్ ఎండీ వేణుగోపాల్ ధూత్ ఇళ్లలో ఈడీ నేడు సోదాలు నిర్వహించారు. ముంబయితో పాటు ఇతర ప్రాంతాల్లోని ఐదు కార్యాలయాలు , నివాసాల్లో సోదాలు కొనసాగినట్టు ఈడి అధికారులు వెల్లడించారు. కాగా ఈ కేసులో ఇప్పటికే సిబిఐ చందాకోచ్చర్ తోపాటు ఆమే భర్త దీపక్ కోచ్చర్, వీడియో కాన్ ఎండీ వేణుగోపాల్ ధూత్ లపై దేశం విడిచి పోకుండా లుక్ అవుట్ నోటీసులు జారి చేసింది.

కాగా వీడియోకాన్ గ్రూప్ కు రూ. 3250 కోట్ల రుపాయల రుణాలను మంజూరు చేసిన చేసిన నేపథ్యంలో చందాకొచ్చార్ క్విడ్ ప్రోకో ఆరోపణలు ఎదుర్కోంటున్నారు. దీంతో సిబిఐ , ఆదాయపు పన్ను శాఖ అధికారులు విచారణ చేపట్టారు..ఈనేపథ్యంలోనే ఐసిఐసిఐ చైర్మన్ పదవి నుండి వైదొలిగింది..దీనిపై ప్రాధమిక విచారణ చేపట్టిన సిబిఐ వారిపై కేసును నమోదు చేసి దర్యాప్తు చేస్తోంది..