పంజాబ్ నేషనల్ బ్యాంక్ కేసులో ఇప్పటికే 1700 కోట్ల రుపాయల ఆస్తులను స్వాధీనం చేసుకున్న ఈడి మరిన్ని ఆస్తులను స్వాధీనం చేసుకున్నట్టు ప్రకటించింది..ఈ కేసులో కోత్తగా నీరవ్ మోదీకి చెందిన 147 కోట్ల రుపాయల మరిన్ని ఆస్తులను ఈడి అటాచ్ చేసింది...ముంబయి, సూరత్‌లోని నీరవ్‌ ఆస్తులను మనీలాండరింగ్‌ చట్టం కింద అటాచ్‌ చేసినట్లు ఈడీ అధికారులు వెల్లడించారు.

స్వాధీనం చేసుకున్న వాటిలో ఎనిమిది ఖరీదైన కార్లు, మెషినరీ, ఆభరణాలు, పెయింటింగ్స్‌తో పాటు కొన్ని స్థిరాస్తులు కూడా ఉన్నాయి. మార్కెట్‌ విలువ ప్రకారం వీటి మొత్తం రూ.147.72కోట్లు ఉన్నట్లు అధికారులు తెలిపారు.కాగా నీరవ్ మోదికి చెందిన నాలుగు కంపనీలకు చెందిన ఆస్తులను ఈడి అటాచ్ చేసింది.... ప్రాపర్టీలు కాకుండా గతంలో ఈడీ అధికారులు స్వాధీనం చేసుకున్న బంగారం, వజ్ర, ఆభరణాలు తదితర విలువైన వస్తువుల విలువ మొత్తం రూ.489.75కోట్లు ఉంటాయి.

పీఎన్‌బీ కేసులో నీరవ్‌తో పాటు మోహుల్‌ ఛోక్సీ మరో నిందితుడిగా ఉన్నాడు. ఇప్పటి వరకు వీరిద్దరికి చెందిన దాదాపు రూ.4,765 కోట్ల విలువైన ఆస్తులను ఈడీ అధికారులు స్వాధీనం చేసుకున్నారు.