లండన్: విజయ్ మాల్యాకు చెందిన బ్రిటన్‌లో ఉన్న ఆస్తుల వివరాలను తమకు ఇచ్చేలా ఆయా సంస్థలను ఆదేశించాలని భారత్‌కు చెందిన పదమూడు ప్రభుత్వ రంగ బ్యాంకులు లండన్ కోర్టును ఆశ్రయించాయి. బ్యాంకులు కోరుతున్న ఆస్తుల్లో మాల్యా విలాసవంతమైనవి ఎన్నో ఉన్నాయి. రేసింగ్‌ కార్లు తదితరాలు ఉన్నాయి.

వీటి యాజమాన్య వివరాలను వెల్లడించాలని బ్యాంకులు కోరాయి. ఈ ఆస్తుల యాజమాన్య హక్కులకు గుర్తించేందుకు కొన్నేళ్లు పట్టవచ్చని బ్యాంకులు భావిస్తున్నాయి.

ఇదిలా ఉండగా, ఆస్తుల జప్తు వ్యవహారాన్ని ఆపాలని కోరుతూ బుధవారం మాల్యా లండన్‌ కోర్టులో పిటిషన్‌ దాఖలు చేశారు. ఇప్పటికే భారతీయ బ్యాంకులు తనకు వ్యతిరేకంగా దివాలా పిటిషన్‌ను దాఖలు చేశాయని దానిని ఇక్కడ విచారించలేరని చెప్పారు. ఈ దివాలా పిటిషన్‌ 2019 చివరలో విచారణకు వచ్చే అవకాశముంది.