న్యూఢిల్లీ: కేంద్ర ప్రభుత్వం గురువారం జీడీపీని (గ్రాస్ డొమెస్టిక్ ప్రాడక్ట్) సవరించింది. ఇదివరకు 6.7 శాతంగా జీడీపీని 7.2 శాతానికి సవరించింది. కేంద్ర ప్రభుత్వం రేపు (శుక్రవారం - ఫిబ్రవరి 1) మధ్యంతర బడ్జెట్‌ను ప్రవేశ పెట్టనుంది. ఈ నేపథ్యంలో జీడీపీని సవరించింది.

గత ఏడాది మే నెలలో 6.7గా సవరించారు. 2017-18కి గాను వృద్ధి రేటును 7.2గా అంచనా వేస్తున్నట్లు సెంట్రల్ స్టాటిస్టిక్స్ ఆఫీస్ (సీఎస్ఓ) ప్రకటించింది. సవరించిన జీడీపీని పరిశీలిస్తే నోట్ల రద్దు నేపథ్యంలో భారతదేశం గ్రోత్ పైన ప్రభావం ఊహించినంతగా లేదని చెబుతున్నారు.

గత ఏడాది మార్చిలో 2017-18కి గాను తొలిసారి సవరించారు. అప్పుడు ఇండస్ట్రీ వైజ్/ఇనిస్టిట్యూషన్ వైజ్ ఆధారంగా సవరించారు. 2016-17 సంవత్సరానికి గాను సీఎస్ఓ జాతీయ ఆధాయం, వినియోగ వ్యయం, సేవింగ్ అండ్ కాపిటల్ ఫార్మేషన్‌ను రెండోసారి సవరించింది.