ఢిల్లీ : ఆన్‌లైన్‌ షాపింగ్‌ లో దూసుకెళుతున్న అమెజాన్.. వినియోగదారులకు మరింత మెరుగైన సేవలు అందించడానికి రెడీ అయింది. ఆ ప్రయత్నంలో 'రోబో' లను వినియోగించనుంది. అమెజాన్ సైట్ ద్వారా కొనుగోళ్లు జరిపే కస్టమర్లకు రోబోల ద్వారా డోర్ డెలివరీ సేవలు లభించనున్నాయి. స్కౌట్ గా పిలిచే రోబోల పనితీరును, వాషింగ్టన్ లోని స్నో హోమిష్ కంట్రీలో ప్రయోగాత్మకంగా పరిశీలించారు. ప్రయోగ దశలో ఉన్న ప్రస్తుత తరుణంలో రోబో ను సిబ్బంది అనుసరిస్తున్నారు.

డోర్ డెలివరీ కోసం అభివృద్ధి చేసిన ఈ రోబో లు లాబ్రాడర్ పరిమాణంలో ఉన్నాయి. 6 చక్రాలతో లైట్ బ్లూ కలర్ లో ఉన్న ఈ రోబో లపై కంపెనీ లోగో కూడా ముద్రించారు. కాలనీ రోడ్లు, ఫుట్‌పాత్‌లపై ఎలాంటి ఇబ్బందులు లేకుండా, సాఫీగా తిరిగేలా వీటిని తీర్చిదిద్దినట్లు తెలుస్తోంది. చుట్టుపక్కల నిశితంగా గమనిస్తూ ముందుకు సాగేలా రోబో లను టెక్నికల్ గా అభివృద్ధి చేస్తున్నట్లుగా సమాచారం.