మినిమం కనీస మొత్తంఛార్జీలు, ఏటీఎం లావాదేవీలపై ఫీజులు, మినీ స్టేట్‌మెంట్, చెకింగ్ బ్యాలెన్సులపై ఛార్జీల పేరుతో బ్యాంకులు ఛార్జీలు వసూలు చేస్తోన్న విషయం తెలిసిందే. కొన్ని బ్యాంకులు మరో కొత్త రకం ఛార్జీలను తీసుకురానున్నాయి. ఇతర ప్రాంతాల్లో ఉద్యోగం చేసుకుంటూ, ఇంటికి పంపించే నగదుపై ఇక నుంచి జీఎస్టీ వేయాలని నిర్ణయించినట్లుగా తెలుస్తోంది.

బ్యాంకింగ్ కరస్పాండెంట్ ద్వారా పంపించే నగదుపై బ్యాంకులు జీఎస్టీ వేయాలని నిర్ణయించినట్లు దీనికి సంబంధించిన వ్యక్తి చెప్పినట్లుగా వార్తలు వచ్చాయి. ఈ నగదును ఎక్కువగా విదేశాల్లో, ఇతర ప్రాంతాల్లో పని చేస్తోన్న వలస కార్మికులు, తమ కుటుంబాలకు పంపిస్తుంటారు.

లావాదేవీ విలువలో 1.5 శాతం పైన పద్దెనిమిది శాతం జీఎస్టీ వేయాలని బ్యాంకులు ప్లాన్ చేస్తున్నాయట. రిజర్వ్ బ్యాంకు ఆఫ్ ఇండియా మార్గదర్శకాలకు అనుగుణంగా ఈ ఛార్జీలు ఉండనున్నాయట. అయితే లావాదేవీలపై విధించే సర్వీస్ ఫీజు, రిమిటెన్స్ విలువలో 1.5 శాతం మించవద్దు. అంతకంటే తక్కువ ఉండవచ్చు.