విశాఖ స్టీల్ ప్లాంట్:

విశాఖ స్టీల్ ప్లాంట్ ఇతర మేజర్ ప్లాంట్ల ఇనుము ధర టన్ను రూ.54 వేలు నుండి రూ.55 వెల వరకు ఉండగా ఇప్పుడు ప్రస్తుత ధర రూ.52 వేలకు తగ్గింది. మైనర్ ప్లాంట్ల ఐరన్ ధరలు కూడా దిగివచ్చాయి. పాత ధర టన్ను రూ.52 వేలు ఉండగా ఇప్పుడు ధర రూ.49 వేలకు వచ్చింది.

నిర్మాణం:

ఆన్ సీసన్ కావడం మరో వైపు మోడం వ్యక్తిగత భవనాలు మినహా ప్రభుత్వ పరంగా చేపట్టే పనులు తగ్గడం ఇక సిటీలలో టౌన్లలో అపార్ట్మెంట్ల నిర్మాణం గణనీయంగా తగ్గడం మరి కొన్ని కారణాల వల్ల ఇనుము ధరలు దిగివస్తున్నాయి. ఇక రెండేళ్ల క్రితం దేశీయంగా దొరికే ఐరన్ ఒర్ అధికంగా ఉన్నప్పటికీ చైనా నుంచి దిగుమతి చేసుకుంటున్న ఐరన్ ఒర్ ధర తక్కువ ఉండడంతో కంపెనీలు ధరలు తగ్గిస్తూ వచ్చాయి.

తగ్గుముఖం:

ఒక దశలో ఐరన్ టన్ను ధర రూ.40 వేలకు దిగివచ్చింది. అయితే ఉత్పత్తి వ్యయం పెరగడం కంపెనీలు సిండికేట్లగా నిలబడడం ద్వారా ఏడాది కాలం నుంచి ఐరన్ టన్ను ధర రూ.15 వేలు పెరిగింది. కానీ ఇప్పుడు మళ్ళీ ధరలు తగ్గుముఖం పడుతున్నాయి అయితే ధరలు మరింత తగ్గుతాయా లేదా నిలకడగా ఉంటాయా అంటే ఇప్పుడే చెప్పలేము అని మార్కెట్ వర్గాలు పేరుకొంటున్నాయి.