టిఫిన్ సెంటర్

మీకు వంట చేయ‌డంలో ప్రావీణ్యం ఉంద‌ని భావిస్తే టిఫిన్ సెంట‌ర్‌ను న‌డుపుకోవ‌చ్చు. ఇంటి వంట‌లాగే ఉండే ఆహారాల‌ను తినే వారి సంఖ్య పెరుగుతోంది. అయితే ఈ వ్యాపారానికి కాస్త పెట్టుబ‌డి కావాలి. ఇంటి నుంచే న‌డుపుకునే వీలుంటుంది.

పెట్ కేర్‌

మీకు పెంపుడు జంతువులంటే ఇష్టం ఉంటే, పెంపుడు జంతువుల సంర‌క్ష‌ణ వ్యాపారం (పెట్ కేర్‌) చేప‌ట్ట‌వ‌చ్చు. మీకు స్వంత స్థ‌లం ఉన్న‌ట్ల‌యితే దీనిని సున్నా పెట్టుబ‌డితో ప్రారంభించ‌వ‌చ్చు.

టాక్సీ సర్వీస్

పెరుగుతున్న న‌గ‌రీక‌ర‌ణ‌, ప్ర‌యాణాల మూలంగా ఈ వ్యాపారం ఊపందుకుంటోంది. మామూలు వ్య‌క్తులు సైతం ఈ వ్యాపారాన్ని చూసుకునేందుకు ఆస‌క్తి క‌న‌బ‌రుస్తున్నారు. మీకు సొంత వాహ‌నం ఉంటే ఈ వ్యాపారాన్ని పెట్టుబ‌డి లేకుండానే మొద‌లుపెట్ట‌వ‌చ్చు.

ట్యూష‌న్స్‌

పిల్ల‌ల‌కు బాగా బోధించే తెలివి ఉండి, వారిని హ్యాండిల్ చేయ‌గ‌లిగే నైపుణ్యం ఉంటే ఇది మంచి ఐడియా. అయితే దానిలో ఉండే లోతుపాతుల గురించి ఆ రంగంలో ఉండే వారి సల‌హాలు తీసుకోవ‌డం మంచిది.

వంట నేర్పడం

వంట చేయ‌డంలో నైపుణ్యం ఉండి, బాగా ఎదుటివారికి వివ‌రించ‌గ‌లం అనుకునేవారు ఈ విధంగాను డ‌బ్బు సంపాదించుకోవ‌చ్చు. దీనికి పెద్ద‌గా పెట్టుబ‌డి అవ‌స‌రం లేదు. హోమ్‌మేక‌ర్లు మీ నుంచి నేర్చుకునేందుకు ఆస‌క్తి చూపుతారు.

డ్యాన్స్‌, ఏరోబిక్‌, యోగా పాఠాలు

మీకు ఏదైనా క‌ళ‌లో నైపుణ్యం ఉంటే ఈ విధంగాను చేయ‌వ‌చ్చు. డ్యాన్స్ పాఠాలు నేర్పించ‌డం మంచి డిమాండ్ క‌లిగిన రంగం. అలాగే ఏరోబిక్‌, యోగా వంటి అంశాల‌ను సైతం నేర్చుకునేందుకు చాలా మంది ఎదురుచూస్తుంటారు.

కొరియ‌ర్ కంపెనీ

ఎన్నో కొరియ‌ర్ కంపెనీల‌కు త‌మ వ్య‌వ‌హారాల‌ను చిన్న చిన్న ఏరియాల్లో ఫ్రాంచైజీలుగా నిర్వ‌హించేందుకు కొత్త వ్యక్తుల అవ‌స‌రం ఉంటుంది. ప్ర‌స్తుతం డీటీడీసీ(డోర్ టు డోర్ కొరియ‌ర్‌) కంపెనీకి ఎన్నో ఫ్రాంచైజీలు ఉండ‌టాన్ని చూస్తుంటాం. ఏదైనా చిన్న స్థ‌లం కోసం అద్దె క‌ట్ట‌గ‌లిగి, మ‌నుషుల‌ను నిర్వ‌హించుకోగ‌లం అనుకునే వారికి ఈ వ్యాపారం అనువైన‌ది.

ఫ్రీలాన్స్

ఫ్రీలాన్స్ రైటింగ్‌, వెబ్ డిజైనింగ్‌, వెబ్ డెవ‌ల‌ప్‌మెంట్ వంటి అవ‌కాశాల కోసం సైతం ప్ర‌య‌త్నించ‌వ‌చ్చు. అన్ని రంగాల నిపుణుల‌కు ఈ రంగాల్లో నూత‌న అవ‌కాశాలు బాగా ఉప‌యుక్తంగా ఉంటాయి.

ఫైనాన్సియ‌ల్ క‌న్స‌ల్టెంట్

ఆర్థిక వ్య‌వ‌హారాల్లో మీరు నైపుణ్యం క‌లిగి ఉన్న‌ట్ల‌యితే పోర్ట్‌ఫోలియో క‌న్స‌ల్టెంట్‌గా ప్ర‌య‌త్నించ‌వ‌చ్చు. త‌క్కువ పెట్టుబ‌డితోనే దీన్ని ప్రారంభించ‌వ‌చ్చు.