స్టేట్ బ్యాంక్ ఆఫ్ ఇండియా

ఇక మీరు కూడా ఈ దీపావళికి బంగారం కొనాలనుకుంటున్నారా? అయితే ఇది మీకు శుభవార్తే. బంగారం కొనేవారికి స్టేట్ బ్యాంక్ ఆఫ్ ఇండియా కూడా ప్రత్యేక ఆఫర్ ప్రకటించింది. ఆ ఆఫర్ వివరాలు తెలుసుకోండి.

దీపావళికి

దీపావళికి భారతదేశంలో బంగారం అమ్మకాలు ఎక్కువ. ఇప్పటికే చాలా కంపెనీలు బంగారంపై ఆఫర్లు ప్రకటించాయి. ఇప్పుడు ప్రభుత్వ రంగ బ్యాంక్ అయిన ఎస్‌బీఐ కూడా అదే బాటలో నడిచింది.

గోల్డ్ కాయిన్స్

గోల్డ్ కాయిన్స్ కొనేవారికి ఎస్‌బీఐ ప్రత్యేక డిస్కౌంట్ ఆఫర్ చేస్తోంది. ఎస్‌బీఐ బ్యాంక్ అకౌంట్ ద్వారా గోల్డ్ కాయిన్ కొంటే డిస్కౌంట్‌తో పాటు క్యాష్‌బ్యాక్ పొందొచ్చు.

ట్విట్టర్‌లో

ఈ ఆఫర్‌‌ని ట్విట్టర్‌లో ప్రకటించింది ఎస్‌బీఐ. గోల్డ్ కాయిన్ కొన్న వారికి 2 శాతం డిస్కౌంట్ లభిస్తుంది. టాటా క్లిక్ ద్వారా ఆన్‌లైన్ షాపింగ్ చేసినవారికి రూ.600 వరకు క్యాష్ బ్యాక్ వస్తుంది.

పింఛనుదారుల కోసం:

ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్‌బీఐ) పింఛనుదారుల కోసం దీపావళి కానుక ప్రకటించింది. వారి కోసం ప్రత్యేక ఆఫర్‌ తీసుకొచ్చింది. నవంబరు 30 వరకు పింఛను లోన్లపై ఎలాంటి ప్రాసెసింగ్‌ ఫీజు వసూలు చేయబోమని ప్రకటించింది. కేంద్ర, రాష్ట్ర ప్రభుత్వాలతో పాటు, రక్షణ శాఖకు చెందిన పింఛనుదారుల కోసం ఈ ఆఫర్ తీసుకొచ్చినట్లు తెలిపింది.

రుణాలు

ఎస్‌బీఐ శాఖల నుంచి నెలనెలా పింఛను తీసుకునే వారికి ఈ పింఛను రుణాలు ఇస్తున్నారు. 76 ఏళ్లలోపు వయసు గల వారికి ఇవి ఇస్తున్నారు. కనిష్టంగా రూ. 25 వేల నుంచి గరిష్టంగా రూ. 14 లక్షల వరకు ఎస్‌బీఐ ఈ రుణాలను మంజూరు చేస్తోంది. ఈ పింఛనుదారులందరికీ నవంబరు 30 లోపు రుణాలు తీసుకుంటే దానిపై ఎలాంటి ప్రాసెసింగ్‌ ఫీజు వసూలు చేయరన్నమాట.

అధికారిక వెబ్‌సైట్లో

కేంద్ర రాష్ట్ర ప్రభుత్వాలు, రక్షణ శాఖ పింఛనదారులు 72 ఏళ్ల లోపు వారైతే గరిష్టంగా రూ. 14 లక్షల పింఛను రుణం తీసుకోవచ్చు. 72 నుంచి 74 ఏళ్ల లోపు వారు రూ. 12 లక్షల వరకు, 74 నుంచి 76 ఏళ్లలోపు వారు రూ. 7.50 లక్షల రుణం తీసుకోవచ్చు. ఈ రుణాలకు సంబంధించి వివరాలు, నిబంధనలను ఎస్‌బీఐ తన అధికారిక వెబ్‌సైట్లో పొందుపరిచింది.