దీపావళికి

దీపావళికి భారతదేశంలో బంగారం అమ్మకాలు ఎక్కువ. ఇప్పటికే చాలా కంపెనీలు బంగారంపై ఆఫర్లు ప్రకటించాయి. ఇప్పుడు ప్రభుత్వ రంగ బ్యాంక్ అయిన ఎస్‌బీఐ కూడా అదే బాటలో నడిచింది.

గోల్డ్ కాయిన్స్

గోల్డ్ కాయిన్స్ కొనేవారికి ఎస్‌బీఐ ప్రత్యేక డిస్కౌంట్ ఆఫర్ చేస్తోంది. ఎస్‌బీఐ బ్యాంక్ అకౌంట్ ద్వారా గోల్డ్ కాయిన్ కొంటే డిస్కౌంట్‌తో పాటు క్యాష్‌బ్యాక్ పొందొచ్చు.

ట్విట్టర్‌లో

ఈ ఆఫర్‌‌ని ట్విట్టర్‌లో ప్రకటించింది ఎస్‌బీఐ. గోల్డ్ కాయిన్ కొన్న వారికి 2 శాతం డిస్కౌంట్ లభిస్తుంది. టాటా క్లిక్ ద్వారా ఆన్‌లైన్ షాపింగ్ చేసినవారికి రూ.600 వరకు క్యాష్ బ్యాక్ వస్తుంది.

ఎస్‌బీఐ

ఎస్‌బీఐ యోనో(యూ ఓన్లీ నీడ్ వన్) యాప్‌లో కూడా చాలా డిస్కౌంట్ ఆఫర్లున్నాయి. దీపావళి పండుగనాటికి ఎస్‌బీఐ మరిన్ని ఆఫర్లు ప్రకటిస్తుందని అంచనా.

SBI నుంచి కొన్ని హెచ్చరికలు :

ఇది డిజిటల్ యుగం. ఎలాంటి లావాదేవీలైనా స్మార్ట్‌ఫోన్‌పై జరిగిపోతుంటాయి. కాలు కదపకుండా కూర్చున్నచోటి నుంచే ట్రాన్సాక్షన్స్ చేయడం మంచి సదుపాయమే. కానీ ఎక్కడైతే సౌకర్యం ఉంటుందో అక్కడ ప్రమాదం కూడా పొంచే ఉంటుంది.

స్టేట్ బ్యాంక్ ఆఫ్ ఇండియా

మీరు కాలు కదపకుండా ట్రాన్సాక్షన్స్ ఎలా చేస్తారో సైబర్ నేరగాళ్లు కూడా కూర్చున్న చోటి నుంచే మీ అకౌంట్ ఖాళీ చేస్తుంటారు. ఇలాంటి మోసాల పట్ల అవగాహన కల్పిస్తోంది స్టేట్ బ్యాంక్ ఆఫ్ ఇండియా.

ఫేక్ అకౌంట్లు

సోషల్ మీడియాలో ఫేక్ అకౌంట్లు మెయింటైన్ చేసేవారితో పరిచయం పెంచుకుంటూ మీ సమయాన్ని, డబ్బును వృథా చేసుకోకండి అంటూ స్టేట్ బ్యాంక్ ఆఫ్ ఇండియా హెచ్చరిస్తోంది. వెరిఫైడ్ అకౌంట్లు, అఫిషియల్ హ్యాండిల్స్‌నే ఫాలోకావాలని సూచిస్తోంది. ఎస్‌బీఐ ట్విట్టర్ అకౌంట్‌లో ఈ ట్వీట్ చేసింది.

మోసం తప్పదు

మీ ఆర్థిక వివరాలన్నీ రహస్యంగా ఉంచాలని, సోషల్ మీడియాలో ఎట్టిపరిస్థితుల్లో షేర్ చేయకూడదని సూచిస్తోంది ఎస్‌బీఐ. సోషల్ మీడియా సైట్లల్లో ఫేక్ అకౌంట్స్‌ని అస్సలు పట్టించుకోకూడదని చెబుతోంది. వెరిఫైడ్ అకౌంట్లను 'బ్లూ రైట్ టిక్' చూసి గుర్తించొచ్చు. అవి తప్ప మిగతా ఏ అకౌంట్లను నమ్మినా, పరిచయం పెంచుకున్నా, స్నేహం చేసినా చివరకు మోసం తప్పదు.

జాగ్రత్తలు

• https తో మొదలుకాని వెబ్‌సైట్లల్లో మీ కార్డు వివరాలు ఇవ్వకూడదు. అలాంటి వెబ్‌సైట్స్ సురక్షితం కావు.
• మీరు బ్యాంకుకు ఇ-మెయిల్ రాయాలనుకుంటే... ముందు కాల్‌ సెంటర్‌కు కాల్ చేసి సరైన ఇ-మెయిల్ ఐడీ తీసుకోండి.
• మీ వ్యక్తిగత వివరాలేవీ పర్సనల్ ఇ-మెయిల్‌లో ఉంచకూడదు