గత కొన్ని వారాలుగా రూపాయి విలువ రికార్డు స్థాయిలో దిగువకు పడిపోయింది.దీని ప్రభావం పెట్రోల్ ధరలపై పెను ప్రభావం చూపింది.ఎన్నడూ లేని విదంగా ప్రస్తుతం లీటర్ పెట్రోల్ రూ.90 దాటి పోయింది.ఇది ఇలాగే కొనసాగితే రానున్న రోజుల్లో పెట్రోల్ ధరలు రూ.100 రూపాయల వైపు పరుగులు తీయడం కాయం అంటున్నారు నిపుణులు

ఇంకా ఈ ప్రభావం నిత్యవసర వస్తువులపై కూడా ప్రభావం చూపి సామాన్యుడి నడ్డి విరుస్తోంది,సగటు వ్యక్తి కూరగాయలు కొనేందుకు వెళితే ధరలు పట్టపగలే చుక్కలు చూపిస్తున్నాయి.

శుక్రవారం నాడు డాలర్ తో పోల్చి చూస్తే రూపాయి విలువ 6 పైసలు పెరిగి 73.52 కి చేరుకుంది. ఎగుమతిదారులచే డాలర్ యొక్క తాజా అమ్మకాలతో పాటు కొన్ని కరెన్సీలపై డాలర్ బలహీనపడటం రూపాయికి మద్దతునిచ్చింది అని డీలర్లు పిటిఐ నివేదికలో పేర్కొన్నారు.

కాగా ఆర్‌బీఐ వరుసగా మూడోసారి కూడా వడ్డీ రేట్లను పెంచుతుందని మార్కెట్‌ అంచనా వేస్తోంది.ఉదయం 9:10 సమయంలో అమెరికా డాలర్‌తో పోలిస్తే రూపాయి 73.59 వద్ద ట్రేడవుతోంది. మునపటి ముగింపు 73.58తో పోలిస్తే 0.01 శాతం క్షీణించింది. శుక్రవారం రూపాయి 73.64 వద్ద ప్రారంభమైంది.

బెంచ్‌మార్క్‌ ఇండెక్స్‌ సెన్సెక్స్‌ ఈ ఏడాది మొత్తంగా 3.3 శాతంమేర లాభపడింది.
ఆసియా ప్రధాన కరెన్సీలన్నీ నష్టాల్లోనే ట్రేడవుతున్నాయి. తైవాన్‌ డాలర్‌ 0.23 శాతం, థాయ్‌ బట్‌ 0.21 శాతం, చైనా ఆఫ్‌షోర్‌ 0.12 శాతం, దక్షిణ కొరియా ఒన్‌ 0.09 శాతం, సింగపూర్‌ డాలర్‌ 0.07 శాతం క్షీణించాయి. అయితే చైనా రెన్‌మిన్‌బి 0.31 శాతం పెరిగింది.