ఫ్లిప్ కార్ట్ కూడా ఆఫర్లు ప్రకటించింది అమెజాన్ కి పోటీ!

ఆన్‌లైన్ షాపింగ్ లవర్స్‌కు శుభవార్త. 'ఫ్లిప్‌కార్ట్ బిగ్ బిలియన్ డేస్ సేల్'కు సర్వం సిద్ధమైంది. అక్టోబర్ 10-14 వరకు ఐదు రోజుల పాటు ఈ సేల్ జరగనుంది. దుస్తులు, టీవీలు, ఇంటికి కావాల్సిన వస్తువులపై మంచి డీల్స్ ఉంటాయి. క్రెడిట్ కార్డులపై భారీ డిస్కౌంట్లు, డెబిట్ కార్డులతో ఈఎంఐ సదుపాయం, నో కాస్ట్ ఈఎంఐ, ఫ్లిప్‌కార్ట్ పే లేటర్ లాంటి సేవల్ని కస్టమర్లు ఉపయోగించుకోవచ్చు. ఫ్లిప్‌కార్ట్ ప్లస్ సభ్యులు బిగ్ బిలియన్ డేస్ సేల్ ఆఫర్లను మూడు గంటల ముందుగానే పొందొచ్చు.

అక్టోబర్ 10న టీవీలు, అప్లయెన్సెస్, స్మార్ట్ డివైజ్‌లపై ఆఫర్లుంటాయి. అక్టోబర్ 11న స్మార్ట్‌ఫోన్స్, ఎలక్ట్రానిక్ డివైజ్‌లు, యాక్సెసరీస్‌లపై డీల్స్ ఉంటాయి. వీటితో పాటు ప్రతీ గంటకు ఫ్లాష్ సేల్స్, ఎనిమిది గంటలకోసారి కొత్త డీల్స్ లభిస్తాయి.

ది బిగ్ బిలియన్ డేస్ సేల్ భారతీయులు ఎంతో ఆసక్తిగా ఎదురుచూస్తున్న ఈవెంట్. భారతదేశంలో పండుగల సీజన్‌ ఈ ఈవెంట్‌తో ప్రారంభమవుతుంది. ఫ్లిప్‌కార్ట్ నిర్వహిస్తున్న ఐదో బిగ్ బిలియన్ డేస్ సేల్ ఇది. కస్టమర్లకు ఉత్తమమైన ఆఫర్లు అందించడంపై దృష్టి పెట్టాం.