రైల్లో ప్రయాణానికి రిజర్వేషన్ చేయించుకున్నారా? మీరు ఎక్కాల్సిన రైలు సమయానికి స్టేషన్‌కు వస్తుందో లేదో అన్న అనుమానం ఉందా? ఏం పర్లేదు. జస్ట్ వాట్సప్‌లో ఓ మెసేజ్ పంపి ఆ రైలు ఎక్కడుందో ఎంత ఆలస్యంగా ప్రయాణిస్తుందో తెలుసుకోవచ్చు. ఇండియన్ రైల్వేస్ ప్రయాణికులకు అందిస్తున్న కొత్త సర్వీస్ ఇది. ఇండియన్ ఆన్‌లైన్ ట్రావెల్ కంపెనీ మేక్‌మైట్రిప్‌తో కలిసి ప్రయాణికులకు ఈ సేవల్ని అందిస్తుంది. వాట్సప్‌లో ట్రెయిన్‌కు సంబంధించిన వివరాలు, సమయం, స్టేషన్స్ లాంటివన్నీ తెలుసుకోవచ్చు.

మీరు ఏదైనా ఓ రైలు లేటెస్ట్ స్టేటస్ వాట్సప్‌లో తెలుసుకోవాలంటే ముందుగా మీ ఫోన్‌లో 7349389104 (మేక్‌మైట్రిప్) నెంబర్ సేవ్ చేసుకోవాలి.
మీకు ఏ రైలు అప్‌డేట్ కావాలనుకుంటే ట్రెయిన్ నెంబర్‌ను వాట్సప్‌లో 7349389104 నెంబర్‌కు మెసేజ్ చేయాలి. మీ వాట్సప్‌లో బ్లూటిక్స్ వస్తేనే మీ ట్రెయిన్ నెంబర్‌ సర్వర్‌ వరకు వెళ్లినట్టు. ఆ తర్వాతే మీకు కావాల్సిన వివరాలొస్తాయి.

మీకు లాభమేంటీ?

• స్మార్ట్‌ఫోన్‌లోనే అప్‌డేట్స్ తెలుసుకోవచ్చు.
• వెబ్‌సైట్‌లో లాగిన్ అవ్వాల్సిన అవసరం లేదు.
• ఎంక్వైరీ నెంబర్ 139కి కాల్ చేసి అడగాల్సిన అవసరం కూడా లేదు.
• ఒక్క క్లిక్‌లో రైలు రాకపోకలు, సమయం తెలుస్తుంది.
• మీ సమయం వృథా కాకుండా ప్రయాణాన్ని ప్లాన్ చేసుకోవచ్చు.