భారీ ఆఫర్లు

ఇలా ఒక్కో చోట ఒక్కో ధర ఉంటే ఎక్కడ ఎక్కువ డిస్కౌంట్ లభిస్తే అక్కడ మీరు కొంటారు. ఇలా ధరల్లో తేడా ఉండటానికి పోటీనే కారణం. ఇకపై ఇలాంటి భారీ ఆఫర్లు ఉండవు. ఎందుకంటే ఈ ధరల నియంత్రణ కోసం కేంద్ర ప్రభుత్వం ముసాయిదా రూపొందించింది. వీలైనంత త్వరగా దీన్ని అమల్లోకి తీసుకొస్తామని ఉన్నతాధికారులు చెబుతున్నారు.

ఇ-కామర్స్

ఇ-కామర్స్ పాలసీ ముసాయిదా ప్రకారం ఇలాంటి డిస్కౌంట్లకు తెరపడనుంది. అమెజాన్, ఫ్లిప్‌కార్ట్ లాంటి ఇ-కామర్స్ షాపింగ్ సైట్స్ మాత్రమే కాదు ఫుడ్ డెలివరీ చేసే స్విగ్గీ, జొమాటోతో పాటు పేటీఎం, అర్బన్‌క్లాప్, పాలసీబజార్ లాంటి వాటికీ ఇవే నిబంధనలు వర్తిస్తాయి. డేటా ప్రైవసీపై జస్టిస్ శ్రీక్రిష్ణ కమిటీ సిఫార్సులతో పాటు ఇ-కామర్స్ పాలసీని అమలు చేస్తారు.

డేటా

డేటా ఫ్లో, ప్రొటెక్షన్, సమస్యల పరిష్కారం, డేటా పరిరక్షణ లాంటి అంశాలపై పలువురి నుంచి సమగ్రమైన సిఫార్సులు తీసుకొని ఇ-కామర్స్ పాలసీ రూపొందించాం. ఇందులోనే నియంత్రణ విధానాల గురించి సిఫార్సులున్నాయి. ఈ ముసాయిదాను అమల్లోకి తీసుకొచ్చేందుకు గడువు విధించలేదు కానీ త్వరలోనే ఇ-కామర్స్ పాలసీకి తుదిరూపు తీసుకొచ్చి అమలు చేస్తాం.

బీ2సీ ఇ-కామర్స్‌

ప్రస్తుతం ఇ-కామర్స్ రంగంలో ఉల్లంఘనలపై ప్రత్యేకంగా ఎన్ఫోర్స్‌మెంట్ డైరెక్టరేట్ ఏర్పాటు చేయాలన్న సిఫార్సు కూడా ఇందులో ఉంది. బీ2సీ ఇ-కామర్స్‌లో 49 శాతం మాత్రమే విదేశీ ప్రత్యక్ష పెట్టుబడులకు అనుమతి ఇవ్వాలని సూచించింది

నష్టాలు

ఇ-కామర్స్ పాలసీ అమల్లోకి వస్తే స్థానిక వ్యాపారులకు చాలా మేలు. ఎందుకంటే ఇ-కామర్స్ వెబ్‌సైట్లల్లో భారీ ఆఫర్లతో స్థానిక వ్యాపారులకు ఇంతకాలం నష్టాలు తప్పలేదు. ఇప్పుడు ధరలను నియంత్రించడం, వందశాతం భారతీయ ఉత్పత్తుల్నే అమ్మేలా ప్రోత్సహించడం లాంటి మార్పులతో స్థానిక వ్యాపారులకు ఊరట లభించినట్టే.