ప్రభుత్వ రంగ టెలికాం సంస్థ‌ బీఎస్‌ఎన్‌ఎల్‌ తమ ప్రీపెయిడ్‌ వినియోగ దారుల కోసం మరో ఆకర్షణీయ ప్లాన్‌ను ఆవిష్కరించింది. రూ.171తో రీచార్జ్‌ చేసుకోవడం ద్వారా 30 రోజుల పాటు ప్రతీ రోజు అప‌రిమిత కాల్స్‌, 100 ఎస్‌ఎంఎస్‌, 2జిబి డేటా అందిస్తున్నట్లు బీఎస్‌ఎన్‌ఎల్‌ ఒక ప్రకటనలో తెలిపింది. 180 రోజుల ప్లాన్‌ వాలిడిటీ ఉంటుంది. రోమింగ్‌లోనూ ఉచిత సేవలు అందిస్తుంది. ఆంధ్రప్రదేశ్‌, తెలంగాణ లోని వినియోగదారులకు ఈ ఆఫర్‌ అందు బాటులో ఉంటుందని ఆ సంస్థ తెలిపింది.

మ‌రో వైపు జియోకు ధీటుగా త‌న క‌స్ట‌మ‌ర్ల‌ను ఆక‌ట్టుకునేందుకు బీఎస్ఎన్ఎల్ రూ.349 ప్లాన్‌ను సైతం స‌వ‌రించింది. ఇక‌పై బీఎస్ఎన్ఎల్ రూ.349 ప్లాన్ ద్వారా ప్ర‌తిరోజూ 1జీబీ డేటాను 54 రోజుల పాటు అందించ‌నున్న‌ట్లు ప్ర‌క‌టించింది. ఇంకా అప‌రిమిత వాయిస్ కాల్స్, రోమింగ్ ఉచితం. అయితే ఇందులో ఎస్ఎంఎస్ ప్ర‌యోజ‌నాలు లేవు. అయితే ఇత‌ర టెలికాం కంపెనీల‌తో పోలిస్తే బీఎస్ఎన్ఎల్ స‌వ‌రించిన ఈ ప్లాన్ అంత ఆక‌ర్ష‌ణీయంగా లేదు. రూ. 349 ప్లాన్ అన్ని టెలికాం స‌ర్కిళ్ల‌లో అందుబాటులో ఉండ‌నుంది. .