ప్ర‌ధాన‌మంత్రి

ఆర్థిక కార్య‌క‌లాపాల‌కు దూరంగా ఉన్న‌వారిని ఏదో విధంగా ఆర్థిక లావాదేవీల‌కు ద‌గ్గ‌ర చేసేందుకు గాను ప్ర‌ధాన‌మంత్రి జ‌న్‌ధ‌న్ యోజ‌న( పీఎంజేడీవై) ప‌థ‌కాన్ని ప్ర‌వేశ‌పెట్టారు

బ్యాంకు ఖాతాలు

ఈ ప‌థ‌కం ద్వారా దేశంలో ప్ర‌తి పౌరుడికి బ్యాంకు ఖాతా ఉండేలా చూశారు. ఇప్పుడు అంద‌రికీ బ్యాంకు ఖాతాలు ఉండటంతో మ‌రో ముందడుగు వేయ‌బోతున్నారు.

ఉచిత

సామాజిక భ‌ద్ర‌త క‌ల్పించాల‌నే ల‌క్ష్యంతో బృహ‌త్ ప్ర‌ణాళిక‌ను ర‌చిస్తున్నారు. ఆగ‌స్టు 15 నుంచి 50 కోట్ల మందిని(10 కోట్ల కుటుంబాలు) ఉచిత ప్ర‌మాద బీమా ప‌రిధిలోకి తీసుకొచ్చేందుకు క‌స‌ర‌త్తు చేస్తున్న‌ట్లు తెలుస్తోంది.

స్వాతంత్ర దినోత్స‌వం

ఇప్ప‌టికే ఈ ఏడాది బ‌డ్జెట్లో సూచ‌న‌ప్రాయంగా దీని గురించి చెప్పిన‌ప్ప‌టికీ ఇంత వ‌ర‌కూ దాని ఊసే లేదు. అయితే స్వాతంత్ర దినోత్స‌వం నాడు ప్ర‌ధాన మంత్రి ఈ ప‌థ‌కాన్ని ప్రారంభించ‌నున్నారు.

జ‌న్‌ధ‌న్ ఖాతాలు

ప్ర‌స్తుతం దేశంలో 32 కోట్ల మందికి జ‌న్‌ధ‌న్ ఖాతాలు ఉన్నాయి. వీరిలో 24 కోట్ల మంది రూపే కార్డుల‌ను వాడుతున్నారు. వారంద‌రికీ రూ.1 ల‌క్ష వ‌ర‌కూ ప్ర‌మాద బీమా వ‌ర్తిస్తుంది

సంవ‌త్స‌రానికి

ప్ర‌ధాన మంత్రి సుర‌క్షా బీమా యోజ‌న ప‌థ‌కం ద్వారా మ‌రికొంత మంది ప్ర‌మాద బీమా ప‌థ‌కంలో చేరారు. సంవ‌త్స‌రానికి రూ.12 చెల్లించి సుర‌క్షా బీమా యోజ‌న అనే ప్ర‌మాద బీమా ప‌థ‌కంలో భాగ‌స్వాములు అవ్వొచ్చు.

మూడు నెలల్లో

ఇదే విధంగా ప్ర‌భుత్వ‌మే ఆ రూ.12 చెల్లించి జ‌న్‌ధ‌న్ ఖాతాదారులంద‌రికీ ఉచిత ప్ర‌మాద బీమా స‌దుపాయాన్ని అందించ‌నుంది. మూడు నెలల్లో క‌నీసం ఒక్క‌సారైనా రూపే కార్డును వినియోగించి ఉండాల‌నే నిబంధ‌న‌ను అమ‌లు చేయ‌నున్న‌ట్లు తెలుస్తోంది.