ఈ ఉంగరం చూశారా? ఇది సాదా సీదా ఉంగరం కాదు.. వజ్రాల ఉంగరం. ఇందులో ఏకంగా 6690 వజ్రాలు ఉన్నాయి. అందుకే, ఈ ఉంగరం గిన్నీస్ బుక్ ఆఫ్ వరల్డ్ రికార్డుకు ఎక్కేసింది. ఇంతకీ ఈ ఉగరం తయారైంది ఎక్కడో కాదు. మన ఇండియాలోనే. వజ్రాల వ్యాపారానికి కేరాఫ్ అడ్రసైన గుజరాత్‌లోని సూరత్‌లో ఈ ఉంగరాన్ని తయారు చేశారు.

కమలం ఆకారంలో ఉన్న ఈ ఉంగరం బరువు 58 గ్రాములు. దీని తయారీకి 18 క్యారెట్ల బంగారం వాడారు. విశాల్ అగర్వాల్, ఖుష్బు అగర్వాల్ అనే ఇద్దరు వ్యాపారాలు ఈ ఉంగరాన్ని తయారు చేశారు. దీని తయారీకి ఆరు నెలలు పట్టిందని విశాల్ తెలిపారు. నీటిని పరిరక్షించాలనే సందేశం ఇవ్వడానికే తాము ఈ రికార్డు కోసం ప్రయత్నించామని తెలిపారు.

నీటిలో పెరిగే 'కమలం'.. మన జాతీయ పుష్పం కావడంతో అదే ఆకారంలో ఈ ఉంగరాన్ని రూపొందించామని తెలిపారు. ఈ ఉంగరానికి సంబంధించిన వీడియోను గిన్నిస్ బుక్ నిర్వాహకులు సోషల్ మీడియాతో పంచుకున్నారు. ఈ వీడియో ఇప్పుడు వైరల్‌గా మారింది. ఇంతకీ ఈ వజ్రాల ఉంగరం ధర ఎంత చెప్పనేలేదు కదూ. దీని ధర అక్షరాలా రూ.28 కోట్లు