ఇప్ప‌టివ‌ర‌కూ కేవ‌లం మొబైల్ డేటాతోనే టెలికాం రంగంలో దూసుకెళ్లిన జియో ఇక‌పై మ‌రో సంచ‌ల‌నానికి తెర‌తీసింది. జియో 4జీ రూట‌ర్ కొన్న‌వారికి కొత్త క్యాష్ బ్యాక్ ఆఫ‌ర్ ప్ర‌క‌టించింది. ఈ రోజు నుంచి మొద‌ల‌య్యే ఈ ఆఫ‌ర్లో జియోఫై డివైస్ కొన్న‌వారికి రూ.500 క్యాష్ బ్యాక్ వ‌ర్తిస్తుంది. ఈ ఆఫ‌ర్ వ‌ర్తించాలంటే కొత్త జియో పోస్ట్ పెయిడ్ సిమ్, జియో రూట‌ర్ కొనుక్కొని అందులో సిమ్ వేసుకుని వాడాల్సి ఉంటుంది. అంతే కాకుండా 12 నెల‌ల బిల్ ముందే పే చేసి, క‌నీసం రూ.199 పోస్ట్ పెయిడ్ ప్లాన్‌ను ఎంచుకోవాల్సి ఉంటుంది.

వ‌రుస‌గా 12 బిల్లింగ్ సైకిల్స్‌లో నెల‌వారీ బిల్లు పే చేస్తే అటువంటి వారికి పోస్ట్‌పెయిడ్ ఖాతాలో రూ.500 క్యాష్ బ్యాక్ సొమ్ము జ‌మ‌వుతుంది. ఈ క్రెడిట్ అయిన సొమ్ము త‌దుప‌రి నెల‌ల పోస్ట్‌పెయిడ్ బిల్లులో అడ్జ‌స్ట్ చేస్తారు. రిల‌య‌న్స్ జియో గ‌తేడాది జియో ఫై డివైస్ ధ‌ర‌ను రూ.1999 నుంచి రూ.999కి త‌గ్గించింది.
రిల‌యన్స్ జియో రూ.199 పోస్ట్ పెయిడ్ ప్లాన్లో భాగంగా 25 జీబీ డేటాను అందిస్తారు. దీంతో పాటు అప‌రిమిత వాయిస్ కాల్స్, అప‌రిమిత ఎస్ఎంఎస్‌లు, జియో యాప్ కాంప్లిమెంట‌రీ ఆఫ‌ర్ల‌ను అద‌నంగా పొందుతారు.