వోడాఫోన్ పై మెగా హీరో ఫైర్ ఎందుకో మీరే చూడండి

హీరో అల్లు శిరీష్‌కు కోప‌మొచ్చింది. ఓ మొబైల్ నెట్‌వ‌ర్కింగ్ సంస్థ ప‌నితీరు శిరీష్‌ను తీవ్రంగా నిరాశ‌ప‌రిచింది. దీంతో సోష‌ల్ మీడియా ద్వారా శిరీష్ త‌న ఆగ్ర‌హాన్ని వ్య‌క్తం చేశాడు. ప్ర‌ముఖ మొబైల్ నెట్‌వ‌ర్కింగ్ సంస్థ వోడాఫోన్ వ‌ల్ల సిగ్న‌ల్ స‌మ‌స్య‌ను ఎదుర్కొంటున్న శిరీష్ ట్విట‌ర్ ద్వారా ఆ సంస్థ‌ను విమ‌ర్శించాడు.

నీ ద‌గ్గ‌ర ఉన్న వాటి విలువను అవి దూర‌మ‌య్యేంత‌ర‌కు గుర్తించ‌లేవు. ఈ మ‌ధ్య‌నే ఎయిర్‌టెల్ నుంచి వోడాఫోన్‌కు పోర్ట్ అయ్యాను. అది చాలా చెత్త ఆలోచ‌న అని అర్థ‌మైంది. చెడ్డ‌ నెట్‌వ‌ర్క్ నుంచి మ‌రింత చెత్త నెట్‌వ‌ర్క్‌కు మారాను. 4జీ కాదు క‌దా.. క‌నీసం 2జీ సిగ్న‌ల్ కూడా స‌రిగ్గా రావ‌డం లేదు. కాల్ డ్రాపింగ్ కాదు.. ఏకంగా సిగ్న‌లే ఉండ‌డం లేదు. గుణ‌పాఠం నేర్చుకున్నాను అని శిరీష్ ట్వీట్ చేశాడు.