కొత్త సిమ్ పొందడానికి ఆధార్ అవసరం లేదంటోంది టెలికాం శాఖ. ఆధార్ భద్రతపై అనుమానాలు వ్యక్తమవుతున్న నేపథ్యంలో కొత్త విధానాన్ని అందుబాటులోకి తీసుకవస్తోంది. ఈ విధానం ప్రకారం ఆధార్ నంబర్ స్థానంలో కొత్త నంబర్‌ను టెలికాం ఆపరేటర్లకు ఇవ్వాలి. వర్చువల్ ఐడీగా పిలిచే ఈ నంబర్‌తో ఆధార్ అవసరం లేకుండానే సిమ్ పొందవచ్చు. ఈ మేరకు ఆధార్ వ్యవహారాలు చూసుకుంటున్న యూఐడీఏఐ... టెలికాం శాఖకు ఆదేశాలు జారీ చేసింది. దానికి అనుగుణంగా టెలికాం ఆపరేటర్లు సిద్ధమవుతున్నారు. జూలై 1 నుంచి ఈ పద్ధతి అందుబాటులోకి రానుంది.

వర్చువల్ ఐడీ పొందండి ఇలా:
ఆధార్‌లో 12 అంకెల నంబర్ ఉంటే.. వర్చువల్ ఐడీలో 16 అంకెల నంబర్ ఉంటుంది. అయితే ఈ నంబర్ పొందడానికి ఆధార్(యూఐడీఏఐ) సైట్‌లో వర్చువల్ ఐడీ నంబర్‌ను జనరేట్ చేసుకోవాలి. https://resident.uidai.gov.in/web/resident/vidgeneration కి వెళితే నంబర్‌ను జనరేట్ చేసుకోవచ్చు.