జియోకి పోటీగా ఎయిర్టెల్ వినియోగదారులకి శుభవార్త.. రోజుకి 2 .4 జిబీ ఎంతో తెలుసా?

ఎయిర్టెల్

దీంతో ఎయిర్టెల్ సైతం దీనికి ధీటుగా పోటీకి సిద్ద‌మైంది. అయితే ఎయిర్టెల్ ప్లాన్ ధ‌ర‌ను మార్చ‌కుండా రోజుకు అందించే డేటా ప‌రిమితిని పెంచింది. మార్చిన దాని ప్ర‌కారం రూ.399 ప్లాన్‌తో రీఛార్జీ చేసుకున్న వారికి వారి ప్లాన్ ప్ర‌కారం కాకుండా రోజుకు 2.4 జీబీ డేటాను ఇస్తున్న‌ట్లు ప్ర‌క‌టించింది. అయితే ఇది ఎంపిక చేసిన వినియోగ‌దారుల‌కు మాత్ర‌మే అని వెల్ల‌డించింది.

రూ.448 ప్యాక్

జియో 84 రోజుల‌కు రోజుకు 1.5 జీబీ చొప్పున డేటా అందిస్తున్న‌ట్లు ప్ర‌క‌టించ‌డంతో ఎయిర్టెల్ సైతం అందుకు త‌గ్గ‌ట్లుగా స్పందించ‌క త‌ప్ప‌లేదు. అయితే జియో సంబంధించి రూ.448 ప్యాక్ ద్వారా రీచార్జీ చేసుకున్న వారికి 84 రోజుల పాటు రోజు 2జీబీ డేటా మాత్ర‌మే వ‌స్తుంది.

రూ.399 ప్లాన్‌లో

ఇప్పుడు ఎయిర్టెల్ 1.4,1.5, 2 జీబీ కాదు అంత‌కు మించి డేటాను అందించేందుకు ప్ర‌ణాళిక వేసింది. రూ.399 ప్లాన్‌లో అయితే 70 రోజుల పాటు వాలిడిటీ ఇచ్చి సాధార‌ణ డేటా, కాల్స్, ఎస్ఎంఎస్ ప్ర‌యోజ‌నాల‌ను అందిస్తుంది. అయితే ఎంపిక చేసిన యూజ‌ర్ల‌కు మాత్ర‌మే 84 రోజుల వాలిడిటీని అందించింది.

84 రోజుల వాలిడిటీ

ఇప్పుడు ఆ 84 రోజుల వాలిడిటీ ఇచ్చిన నియోగ‌దారుల‌కు మాత్ర‌మే 2.4జీబీ డేటా ప్ర‌యోజ‌నం అందిస్తున్న‌ది. ఈ ప్లాన్‌లో ఉన్న‌వాళ్ల‌కు రోజుకు 100ఎస్ఎంఎస్‌లు, అప‌రిమిత కాల్స్ ఉచితం. ఇప్పుడు ఈ ప్లాన్‌లో ఉన్న‌వాళ్ల‌కు త‌క్కువ ధ‌ర‌లో రోజుకు ఎక్కువ డేటా వాడుకునే సౌల‌భ్యం ల‌భిస్తుంది. ప‌రిశ్ర‌మ‌లో ఉన్న ప్లాన్ల‌న్నింటినీ పోల్చి చూస్తే 1జీబీకి 1.97రూపాయ‌ల్లో డేటాను అందిస్తున్న కంపెనీ, అతి త‌క్కువ ధ‌ర‌లో అందిస్తోంది భార‌తీ ఎయిర్టెల్ కావ‌డం విశేషం.

ఎయిర్టెల్ యూజ‌ర్ల‌కు

అయితే ఈ కొత్త ప్ర‌యోజ‌నం అంద‌రికీ అందుబాటులో లేద‌న్న‌ది గుర్తించాలి. 70 రోజుల వాలిడిటీతో రోజుకు 1.4జీబీ డేటా అందుకుంటున్న వారు రూ.399తో రీచార్జీ చేయించుకున్నప్ప‌టికీ వారికి అవే ప్ర‌యోజ‌నాలు కొన‌సాగుతాయి. అయితే దీన్ని కొంత‌మందికే కాకుండా మొత్తం ఎయిర్టెల్ యూజ‌ర్ల‌కు అందుబాటులోకి తీసుకురావాల‌ని ఆ కంపెనీ వినియోగ‌దారులు కోరుతున్నారు.