సమ్మెకు పిలుపునిచ్చాయి

బ్యాంకు ఉద్యోగ సంఘాల నేతలతో బ్యాంక్ యాజమాన్యాలు చర్చించాయి. కానీ, ఈ చర్చల్లో ప్రతిష్టంభన నెలకొంది. దీంతో బ్యాంకు ఉద్యోగ సంఘాల నేతలు సమ్మెకు పిలుపునిచ్చాయి. ఈ విషయమై కేంద్రం జోక్యం చేసుకోవాలని కూడ బ్యాంకు ఉద్యోగుల అసోసియేషన్స్ నేతలు డిమాండ్ చేశారు.

ప‌నిదినాలు

15 శాతం వేతన సవరణ చేయాలని ఉద్యోగ సంఘాలు డిమాండ్ చేస్తున్నాయి. ఇంకా వారానికి ఐదు రోజుల ప‌నిదినాలు, ఉద్యోగుల‌కు ప‌నిభారం త‌గ్గించ‌డం వంటివి డిమాండ్ల‌లో మ‌రికొన్ని.

2 శాతం మాత్రమే

కానీ, కేవలం 2 శాతం మాత్రమే వేతనాలు పెంచేందుకు బ్యాంకు యాజమాన్యాలు ముందుకు వచ్చాయి. అయితే 30% వేత‌న పెంపున‌కు ఇంత‌కుముందే ఐబీఏ అంగీక‌రించి వెన‌క్కు త‌గ్గ‌డంపై బ్యాంకు ఉద్యోగులు ఆగ్ర‌హంతో ఉన్నారు.

పీఆర్సీ

ప్ర‌భుత్వ ఉద్యోగుల‌కు పీఆర్సీ ఉన్న‌ట్లే త‌మ‌కు కావాల‌ని ఉద్యోగ సంఘాలు కోరుతున్నాయి. దీంతో బ్యాంకు ఉద్యోగుల అసోసియేషన్ రెండు రోజుల పాటు సమ్మెకు పిలుపునిచ్చింది. మరో వైపు పారిశ్రామిక వేత్తలు బ్యాంకులకు వేలాది కోట్లు రుణాలుగా తీసుకొని ఎగ్గొట్టడం వల్ల బ్యాంకులు నష్టాలబారినపడుతున్నాయి.

మే 30, 31 తేదిల్లో

ఉద్యోగులను విభజించి పబ్బం గడుపుకొనేందుకు పాలకులు ప్రయత్నాలు చేస్తున్నారని బ్యాంకు ఉద్యోగుల అసోసియేషన్ నేతలు ఆరోపిస్తున్నారు. బ్యాంకు ఉద్యోగుల సమ్మె కారణంగా మే 30, 31 తేదిల్లో రెండు రోజుల పాటు బ్యాంకు సేవలకు అంతరాయమేర్పడనుంది. జూన్ 1వ తేదిన బ్యాంకులు తెరుచుకోనున్నాయి.