క్రికెట్, ఫుట్‌బాల్ మ్యాచ్‌ల కన్నా కర్ణాటక ఎన్నికల ఫలితాలపై బెంగళూరు టెకీలు ఆసక్తి చూపిస్తున్నారు.
2019 పార్లమెంటు ఎన్నికలు జరగనున్న నేపథ్యంలో కీలకమైన కర్ణాటక అసెంబ్లీ ఎన్నికలు కాంగ్రెస్, బీజేపీ, జేడీ(ఎస్) లకు ప్రతిష్ఠాత్మకం కావడంతో బెంగళూరు నగరానికి చెందిన సాప్ట్ వేర్ ఇంజినీర్లు ఎన్నికల ఫలితాలపై ఉత్సుకత చూపిస్తున్నారు.

చాలామంది టెకీలు తమ కార్యాలయాలకు సెలవు పెట్టి మరీ ఫలితాలు చూస్తున్నారు. మరికొందరు ఇంటి నుంచి పనిచేస్తూనే ఫలితాలపై ఓ కన్నేశారు. కర్ణాటక ఎగ్జిట్ పోల్స్ ఆసక్తి రేకెత్తించిన నేపథ్యంలో సీఎల్ పెట్టి టీవీలో ఫలితాలు చూస్తున్నానని ఓ ఐటీ ఉద్యోగి చెప్పారు. తాను సిక్ లీవ్ పెట్టి ఎన్నికల ఫలితాలు చూస్తున్నానని మరో ఐటీ ఉద్యోగిని పేర్కొన్నారు. ఇంతమంది చూపిస్తున్న ఆసక్తికి తెర మరి కొన్ని నిమిషాల్లో పడబోతోంది. ఒక్క కర్ణాటక ఎన్నికల ప్రభావం వల్ల స్టాక్ మార్కెట్ కూడా చాల ప్రభావం చూపించింది.