ఈ చేవెళ్ల చెల్లమ్మ చాల గ్రేట్ ఎందుకో మీరే చూడండి మీరే గ్రేట్ అంటారు.

News

oi-Sabari

By Sabari

| Updated: Monday, March 19, 2018, 12:14 [IST]

రాష్ట్ర ప్రభుత్వానికి ఆమెను కలుసుకున్న ముడి ఒప్పందంపై విసుగు చెందిన చెవెల్లా జిలా పరిషద్ టెర్రిటోరియల్ నియోజకవర్గం (సిపిసిసి) సభ్యుడు సి.శైలాజ రెడ్డి తన ఎన్నికల వాగ్దానాలలో కొన్నింటిని నెరవేర్చడానికి విక్రయానికి తన సొంత ఫ్లాట్ను ఉంచారు.
ఎక్కడ ఖాళీ స్థలం దొరుకుతుందా, ఎప్పుడు కబ్జాలు చేసేద్దామని గోతికాడ నక్కలా కాచుకుర్చునే రాజకీయ నేతలున్న ప్రస్తుత కాలంలో, ఎన్నికల్లో తాను ఇచ్చిన హామీలను నెరవేర్చడానికి తన సొంత స్థలాన్నే అమ్మకానికి పెట్టారు ఇది నిజంగా చాల ఆశ్చర్యం కలిగిస్తుంది.

తాను జెడ్పీటీసీ ఎన్నికల సమయంలో ఇచ్చిన హమీలను నెరవేర్చడానికి తన సొంత ప్లాట్‌ను అమ్మకానికి పెట్టి రంగారెడ్డి జిల్లా చేవెళ్ల జడ్పీటీసీ సభ్యురాలు చింపుల శైలజ సంచలనం సృష్టించారు. ఎన్నికల్లో హామీలను సులువుగా ఇచ్చేస్తాం, కానీ వాటిని నేరవేర్చకుండానే పదవీకాలం ముగిసిపోతుందన్న జెడ్పీటీసీ శైలజ, ప్రజల కోసం తన సొంత స్థలాన్నే అమ్మకానికి పెట్టడం చర్చనీయాంశమైంది. ఆమె నిర్ణయంపై ఇప్పుడు సర్వత్రా హర్షం వ్యక్తమవుతోంది. ఇలాంటి నేతలు రాజకీయాలకు అవసరమని ప్రశంసలు కురిపిస్తున్నారు.
2014 జెడ్పీటీసీ ఎన్నికల్లో చేవెళ్ల స్థానం నుంచి పోటీచేసిన చింపుల శైలజ అత్యధిక మెజార్టీతో గెలుపొందారు. అయితే ఎన్నికల సందర్భంగా తాను ప్రజలకు చేసిన వాగ్దానాలకు నెరవేర్చేందుకు నిధులు లేకపోవడంతో తన కుటుంబ ఆస్తిని విక్రయించి, వాటిని నెరవేర్చాలనే ఓ నిర్ణయానికి వచ్చారు. 'మేము జెడ్పీటీసీ ఎన్నికల్లో పలు గ్రామాల్లో అభివృద్ధి చేస్తామని హామీ ఇచ్చాం.. కానీ ఆ తర్వాత జరిగిన పరిణామాలు, ప్రభుత్వ ఆర్థిక లోటు వల్ల ఎన్నికల్లో ఇచ్చిన హామీలను నెరవేర్చలేకపోయాం, మాకు ఉన్న సామాజిక బాధ్యత, జెడ్పీటీసీగా ఇచ్చిన పలు హమీలను నెరవేర్చడానికి ఈ ప్లాట్‌ను అమ్మకానికి ఉంచుతున్నాం... కాబట్టి ఎవరైనా ముందుకొచ్చి మంచి ధరకు ఈ ప్లాట్‌ను కొనుగోలు చేయాలని కోరుతున్నాం' అంటూ తన స్థలంలో జెడ్పీటీసీ శైలజ ఏర్పాటుచేసిన ప్రకటన బోర్డు అందర్నీ ఆకర్షిస్తోంది.

ఈ విషయం సామాజిక మాధ్యమాల్లో వైరల్ కావడంతో శైలజ వార్తల్లో నిలిచారు. తాను ఎన్నికల సమయంలో సీసీ రోడ్లు వేయిస్తానని, డ్రైనేజీలు నిర్మిస్తానని, సురక్షిత తాగునీరు అందిస్తానని హామీ ఇచ్చాను కానీ, గెలిచి నాలుగేళ్లు గడిచిపోయినా వాటిని నెరవేర్చలేకపోయానని శైలజ అన్నారు. ఇటీవల తాను ఇచ్చిన హామీలపై ప్రజలు నిలదీయడం మొదలుపెట్టడంతో తీవ్ర వేదనకు గురైన తాను, భర్త సత్యనారాయణతో మాట్లాడి సొంత ఆస్తిని విక్రయించాలని నిర్ణయానికి వచ్చినట్టు తెలిపారు. రెండు రోజుల కిందట తమ ప్లాట్ అమ్మకానికి పెట్టినట్టు ఫ్లెక్సీ ఏర్పాటుచేసి, ఎందుకోసం విక్రయిస్తున్నదీ అందులో స్పష్టంగా తెలిపారు. ఈ విషయం తెలిసిన చాలామంది ఆ ప్లాట్‌ను కొనడానికి ముందుకొస్తున్నారు. హామీల అమలు కోసం ఆస్తిని అమ్ముకోవడానికి ముందుకు వచ్చిన శైలజ గురించే అందరూ మాట్లాడుకుంటున్నారు.