ఏడు కొండల వాడ వెంకట రమణ గోవింద గోవింద.కలియుగ ప్రత్యక్ష దైవం మన వడ్డీ కాసుల వాడు వేంకటేశ్వరుడు ఎప్పుడూ భక్తులతో కళకళలాడుతుంటాడు.కోరిన కోర్కెలు తీర్చే దేవుడు మన తిరుమల వెంకన్న ఆలయం.

ఇలా కొండకు వచ్చే భక్తులతో పాటూ స్వామివారి హుండీ ఆదాయం కూడా పెరిగింది. కొత్త ఏడాదిలో శ్రీవారి ఆదాయం రికార్డుల మోత మోగించింది. జనవరిలో శ్రీనివాసుడ్ని 20లక్షల 97వేలమంది దర్శించుకుంటే... హుండీ ఆదాయం రూ.83కోట్ల 84 లక్షల వరకు వచ్చిందట.

2016 నవంబర్‌లో నోట్ల రద్దుతో స్వామి హుండీ ఆదాయం తగ్గింది తర్వాత జనవరి నుంచి పెరిగింది. గతేడాది స్వామివారి హుండీ ఆదాయం రూ.69కోట్ల 95 లక్షలు.

భక్తుల రద్దీతో ఇటు లడ్డూల విక్రయం కూడా పెరిగింది. సర్వ దర్శనం ద్వారా స్వామివారికి దర్శించుకునే ఒక్కో భక్తుడికి 5 లడ్డూలు... నడకదారిలో వచ్చే ఒక్కొక్కరికి 4 ఇస్తున్నారు. గతేడాదితో పోలిస్తే 2 లక్షల అదనపు లడ్డూల విక్రయం జరిగాయి. అలాగే అన్నప్రసాదం స్వీకరించే వారు... తల నీలాలు సమర్పించే భక్తుల సంఖ్య కూడా పెరిగిపోయింది. మొత్తం మీద వెంకన్నకు భక్తులు తాకిడి పెరిగింది... హుండీ కూడా నిండింది.

అంతేకాదు భక్తుల సంఖ్య కూడా పెరిగిపోయింది. సాధారణ రోజుల్లో 60వేల నుంచి 70వేలమంది వస్తే... సెలవు రోజులు, వారాంతంలో లక్షకుపైగానే స్వామివారి సేవలో పాల్గొంటున్నారు. గతేడాదితో పోలిస్తే 26వేల 605మంది అదనంగా శ్రీవారిని దర్శించుకున్నారు. పెరుగుతున్న భక్తుల రద్దీకి తగ్గట్లుగా టీటీడీ కూడా ఏర్పాట్లను చేస్తోంది. గతంలో రద్దీ ఎక్కువగా ఉన్నప్పుడు దర్శనానికి రోజుల తరబడి వేచి ఉండాల్సి వచ్చేది. ఇప్పుడు పరిస్థితి మారిపోయింది. సాధారణ సమయంలో 4 నుంచి 8 గంటలు... రద్దీ రోజుల్లో 8 నుంచి 12 గంటలులోపే పూర్తవుతోంది.