అమెజాన్ ఈ నెల‌లో మ‌ళ్లీ గ్రేట్ ఇండియ‌న్ సేల్ కోసం సిద్దం అవుతుండ‌టంతో దేశీయ ఈ-కామ‌ర్స్ దిగ్గ‌జం ఫ్లిప్ కార్ట్ సైతం మ‌రో త‌ర‌హా సేల్ కోసం ప్ర‌ణాళిక‌లు వేసింది. భార‌త‌దేశ‌ ప్ర‌ముఖ ఈ-కామర్స్ సంస్థ ఫ్లిప్‌కార్ట్ 'రిపబ్లిక్ డే సేల్‌'ను నిర్వహించనుంది. ఇందులో భాగంగా భారీ డిస్కౌంట్ల‌ను అందించ‌నున్న‌ట్లు ఆ సంస్థ పేర్కొంది. ఈ ఆఫ‌ర్‌లను ఈ నెల‌ 21 నుంచి 23వ తేదీ వరకు అందుబాటులో ఉంటాయ‌ని తెలియ‌జేసింది.

ఫ్లిప్ కార్ట్ రిప‌బ్లిక్ డే సేల్ పేరిట‌ ల్యాప్‌టాప్‌లు, ఆడియో, కెమెరా యాక్ససరీలపై 60 శాతం డిస్కౌంట్ ఇవ్వ‌నుంది. అలాగే టీవీల‌ను 70 శాతం వరకు డిస్కౌంట్‌తో పొంద‌వ‌చ్చు. శాంసంగ్ గెలాక్సీ ఎస్7 ఫోన్‌ను రూ.26,990 కే సొంతం చేసుకోవ‌చ్చు. అలాగే షియోమీ ఎంఐ మిక్స్2ను రూ.32,999కు, షియోమీ రెడ్‌మీ నోట్ 4 (64జీబీ) రూ.10,999కు, మోటో జీ5 ప్లస్ రూ.10,999కే కొనుగోలు చేయ‌వ‌చ్చు. అంతేకాదు, సిటీ బ్యాంక్ క్రెడిట్, డెబిట్ కార్డులతో కొనుగోలు చేస్తే 10 శాతం క్యాష్‌బ్యాక్ కూడా పొంద‌వ‌చ్చని తెలిపింది.