గ‌త రెండు మూడేళ్ల నుంచి చిన్న‌, మ‌ధ్య స్థాయి కంపెనీలు ఐపీవోకు రావడం ప‌రిపాటైంది. అదే క్ర‌మంలో ఐటీ సంస్థ‌లు సైతం నిధుల సేక‌ర‌ణ‌కు ఈ మార్గాన్ని ఎంచుకుంటున్నాయి. సాఫ్ట్వేర్ రంగంలో 2018లో మొద‌టిగా ప్ర‌ముఖ ఐటీ కంపెనీ న్యూజెన్‌ సాఫ్ట్‌వేర్‌ టెక్నాలజీస్‌ తన ఐపీవో(ఇనీషియల్‌ పబ్లిక్‌ ఆఫర్‌) ధరల శ్రేణిని రూ.240-245గా ఖరారు చేసింది. ఈ నెల 16 నుంచి ప్రారంభమయ్యే ఈ ఐపీఓ 18న ముగుస్తుంది. ఈ ఐపీవో ద్వారా ఈ కంపెనీ రూ.424 కోట్లు సమీకరించనున్నది.

ఈ ఐపీవోలో భాగంగా రూ.95 కోట్ల విలువైన తాజా ఈక్విటీ షేర్లతో పాటు 1,34,53,932 షేర్లను ఆఫర్‌ ఫర్‌ సేల్‌ (ఓఎఫ్‌ఎస్‌) ద్వారా జారీ చేయనున్నారు. ఈ ఐపీవోకు బుక్‌ రన్నింగ్‌ లీడ్‌ మేనేజర్స్‌గా ఐసీఐసీఐ సెక్యూరిటీస్, జెఫరీస్‌ ఇండియా, ఐడీఎఫ్‌సీ బ్యాంక్‌లు వ్యవహరిస్తున్నాయి. ఈ నెల చివరి వారంలో (30, లేదా 31 వ తేదీన) ఈ షేర్లు స్టాక్‌ మార్కెట్లో లిస్టయ్యే అవకాశాలున్నాయి. సేక‌రించిన నిధుల‌ను కంపెనీ కార్పొరేట్, సాధార‌ణ అవ‌స‌రాల‌కు వినియోగించ‌నున్న‌ట్లు ప్ర‌తిపాద‌న‌లో తెలిపారు.