ఓవైపు ప్రభుత్వ రంగ బ్యాంకులు, మరోపక్క మెటల్‌ కౌంటర్లూ పోటాపోటీగా పెరగడంతో మార్కెట్లు చివరి గంటలో జోరందుకున్నాయి. ఇన్వెస్టర్లు కొనుగోళ్లకు ఎగబడటంతో ట్రేడింగ్‌ ముగిసేసరికి సెన్సెక్స్‌ 176 పాయింట్లు(0.52%)పెరిగి 33,970 వద్ద నిలిచింది. నిఫ్టీ సైతం 62 పాయింట్లు జంప్‌చేసి 10,505 వద్ద స్థిరపడింది. తద్వారా సెన్సెక్స్‌ 34,000 పాయింట్ల మైలురాయిని మరోసారి చేరువకాగా.. నిఫ్టీ సాంకేతికంగా కీలకమైన 10,500ను అధిగమించింది. ఎన్‌ఎస్‌ఈలో పీఎస్‌యూ బ్యాంక్స్‌, మెటల్‌ రంగాలు 3 శాతం చొప్పున ఎగశాయి. ఫార్మా సైతం 1.3 శాతం పుంజుకోవడం గమనించదగ్గ అంశం.

బీఎస్ఈ సెన్సెక్స్ సూచీలో రంగాల వారీగా చూస్తే మూల‌ధ‌న వ‌స్తువులు(2.02%), లోహ రంగం(1.96%), మూల‌ధ‌న వ‌స్తువులు(1.69%), పీఎస్‌యూ(1.37%) రంగాలు లాభ‌ప‌డ్డాయి. మ‌రో వైపు స్థిరాస్తి(0.3%), వాహ‌న రంగం(0.28%), ఐటీ రంగం(0.13%) న‌ష్టాల‌కు గురైన వాటిలో ఉన్నాయి.
బీఎస్ఈ సెన్సెక్స్ సూచీలో లాభ‌ప‌డ్డ‌, న‌ష్ట‌పోయిన వాటి వివ‌రాలు ఇలా ఉన్నాయి.లాభ‌ప‌డ్డ వాటిలో టాటా స్టీల్ (3.74 శాతం), డాక్టర్ రెడ్డీస్ (3.14 శాతం), ఎల్ అండ్ టి (+ 3.08 శాతం), ఓఎన్జిసి (2.92 శాతం), ఆసియా పెయింట్స్ (2.71 శాతం) ముందున్నాయి, మ‌రో వైపు టాటా మోటార్స్ (-0.81%), పవర్గ్రిడ్ (-0.67%), యాక్సిస్ బ్యాంక్ (-0.4%), ఇన్ఫోసిస్ (-0.37%) మరియు మారుతి (-0.37%) న‌ష్టాల‌కు గురైన వాటిలో ఉన్నాయి.