వ‌చ్చే ఏడాది జ‌న‌వ‌రి నుంచి 4జీ సేవ‌ల‌ను ప్రారంభించ‌నున్న‌ట్లు బీఎస్ఎన్ఎల్ తెలిపింది. మొద‌ట కేర‌ళ రాష్ట్రంతో పాటు ఒడిశాలో ఈ సేవ‌ల‌ను ఆరంభించ‌నున్న‌ట్లు బీఎస్ఎన్ఎల్ ఛైర్మ‌న్,ఎండీ అనుప‌మ్ శ్రీ‌వాస్త‌వ చెప్పారు. కేర‌ళ‌లో 4జీ సేవ‌లు ప్రారంభించాక 3జీ క‌వ‌రేజీ త‌క్కువ‌గా ఉన్న ప్రాంతాల‌పై దృష్టి పెట్టుతామ‌ని అన్నారు.
ఇప్ప‌టికే భారీ ఎయిర్టెల్, వోడాఫోన్, జియో 4జీ సేవ‌ల‌ను ప్రారంభించేశాయి. ఇప్పుడు ప్ర‌భుత్వ రంగ టెలికాం సంస్థ బీఎస్ఎన్ఎల్ సైతం వీటికి పోటీగా నిల‌వ‌నుంది. ప్ర‌స్తుతం 2100 మెగాహెర్జ్ట్ బ్యాండ్‌లో బీఎస్ఎన్ఎల్‌కు 5 మెగాహెర్ట్జ్ స్ప్రెక్ట్రం మాత్ర‌మే ఉంది. 4జీ సేవ‌ల ప్రారంభానికి ఈ స్పెక్ట్రం స‌రిపోన‌ప్ప‌టికీ దేశవ్యాప్తంగా ఈ సేవ‌ల‌ను విస్త‌రించాలంటే అద‌న‌పు స్పెక్ట్రం అవ‌స‌రం అవుతుంది.

మ‌రో 5 మెగా హెర్ట్జ్ స్పెక్ట్రం కావాల‌ని ఇప్ప‌టికే బీఎస్ఎన్ఎల్ కేంద్ర ప్ర‌భుత్వాన్ని కోరింది. కోరుకున్న మేర స్పెక్ట్రం కేటాయింపు జ‌రిగిన‌ట్లైతే బెంగుళూరు, హైద‌రాబాద్ స‌హా ఇత‌ర ప్రాంతాల‌కు 4జీ సేవ‌ల‌ను క్ర‌మ‌క్ర‌మంగా విస్త‌రిస్తామ‌ని శ్రీ‌వాస్త‌వ వెల్ల‌డించారు. 20185 మార్చి నాటికి 10,000 4జీ ట‌వ‌ర్ల‌ను నెల‌కొల్పాల‌ని ల‌క్ష్యంగా పెట్టుకున్న‌ట్లు ఆయ‌న తెలిపారు.