రెండో రోజూ దేశీయ‌ స్టాక్ మార్కెట్లు న‌ష్టాల‌ బాటలోనే సాగాయి. ట్రేడింగ్‌ ఆద్యంతమూ స్వల్ప హెచ్చుతగ్గుల మధ్య న‌డిచింది. చివరికి మార్కెట్లు నామమాత్ర నష్టాలతో ముగిశాయి. ట్రేడింగ్‌ ముగిసేసరికి సెన్సెక్స్‌ 21 పాయింట్లు తక్కువగా 33,756 వద్ద నిలవగా.. 4 పాయింట్లు క్షీణించిన నిఫ్టీ 10,440 వద్ద స్థిరపడింది.

లాభ‌ప‌డ్డ మూల‌ధ‌న వస్తువులు
బీఎస్‌ఈలో ప్రధానంగా మూల‌ధ‌న వ‌స్తువులు(1.73%), మౌలిక రంగం(1.22%), ప‌వ‌ర్(1.00%), హెల్త్ కేర్(0.93%)లాభ‌ప‌డ్డాయి. మ‌రో వైపు వాహ‌న రంగం(0.81%), ఎఫ్ఎంసీజీ(0.27%), బ్యాంకింగ్(0.24%), క‌న్సూమ‌ర్ డ్యూర‌బుల్స్(0.11%) న‌ష్ట‌పోయాయి.
బీఎస్ఈ సెన్సెక్స్ సూచీలో లాభ‌ప‌డ్డ‌, న‌ష్ట‌పోయిన కంపెనీల వివ‌రాలు ఇలా ఉన్నాయి. లాభ‌ప‌డిన వాటిలో ఎల్ అండ్ టీ(1.92%), టాటా స్టీల్ (+ 1.84%), హీరో మోటో కార్ప్ (+ 1.45%), ఎన్టిపిసి (+ 0.9%), ఇన్ఫోసిస్ (+ 0.81%) ముందున్నాయి. మ‌రో వైపు ఎం అండ్ ఎం (-3.74%), మారుతి (-1.11%), హెచ్‌యూఎల్(-1.09%), బజాజ్ ఆటో (-1.08%), యాక్సిస్ బ్యాంక్ (-0.99%) న‌ష్ట‌పోయిన వాటిలో ఉన్నాయి.