1. సీబీఈసీ జీఎస్టీ పోర్టల్‌లో ఫిర్యాదు:

జీఎస్టీ మోసాలపై ఫిర్యాదు చేసేందుకు ఇది సులభమైన మార్గం. సీబీఈసీ అధికారిక వెబ్‌సైట్‌లో HTTP://CBEC-GST.GOV.IN ‌లో సీబీఈసీ మిత్రా హెల్ప్‌డెక్క్‌ను క్లిక్ చేయాలి. అందులోని రైజ్ వెబ్ టికెట్ ఆప్షన్‌ను ఎంచుకోవాలి. కొత్త విండోలో ట్యాక్స్ ఫ్రాడ్/అవాయ్‌డెన్స్‌ను క్లిక్ చేయాలి. ఇందులో మీ పూర్తి పేరు, ఈమెయిల్ అడ్రస్, రెస్టారెంట్ పేరు, అడ్రస్ వివరాలు పొందుపరిచి ఫిర్యాదు చేయొచ్చు.

2.ఈ-మెయిల్ ద్వారా ఫిర్యాదు:

జీఎస్టీ మోసాలకు సంబంధించి వినియోగదారులు ఈ-మెయిల్స్ ద్వారా కూడా సంబంధిత అధికారులకు ఫిర్యాదు చేసేందుకు వెసులుబాటు ఉంది. [email protected] అనే ఈ-మెయిల్ అడ్రస్‌కు మీ పేరు, ఫోన్ నెంబరు, రెస్టారెంట్ పేరు, అడ్రస్, ఫిర్యాదు వివరాలను తెలియజేస్తూ ఈ-మెయిల్ పంపితే దీనిపై అధికారులు చర్యలు తీసుకుంటారు.

3.టోల్ ఫ్రీ నెంబర్‌ ద్వారా ఫిర్యాదు:

జీఎస్టీ మోసాలపై ఫిర్యాదు చేసేందుకు మీకు మరో ప్రత్యామ్నాయ మార్గం ఇది. 18001200232 టోల్ ఫ్రీ నెంబర్‌కు కాల్ చేసి సీబీఈసీకి మీరు ఫిర్యాదు చేయొచ్చు.

జీఎస్టీ ఛార్జీలను ఎక్కువగా వసూలు చేసే అధికారం రెస్టారెంట్లకు లేదు. అదనపు ఛార్జీలు వసూలు చేస్తే దీన్ని ప్రశ్నించడం మీ హక్కుగా గుర్తించండి. గది బాడుగ రూ.7,500కు పైగా ఉన్న 5 స్టార్ హోటళ్లు, రెస్టారెంట్లతో పాటు ఔట్‌డోర్ క్యాటరింగ్‌పై మాత్రం జీఎస్టీ 18 శాతంగా ఉంటుంది.

4. జీఎస్టీ-అతిపెద్ద ప‌న్ను సంస్క‌ర‌ణ‌

దేశంలో స్వాతంత్ర్యం వ‌చ్చిన‌ప్ప‌టి నుంచి ప‌రోక్ష ప‌న్నుల్లో చేప‌ట్టిన అతి పెద్ద ప‌న్ను సంస్క‌ర‌ణ జీఎస్టీ. మొద‌ట్లో బాలారిష్టాలు ఉన్నా నెమ్మ‌దిగా అన్నీ స‌ర్దుకుంటాయ‌ని అటు ప్ర‌భుత్వ అధికారులు, ఇటు ప్ర‌జ‌లు భావించారు. అయితే ప‌న్ను అమ‌లు ప్రారంభ‌మై 5 నెల‌లయినా చాలా స‌మ‌స్య‌లు ఉన్నాయి. వ్యాపారుల‌కైతే జీఎస్టీ ప‌న్ను రిట‌ర్నులు చేసేట‌ప్పుడు ఇబ్బందులు ఉన్నాయి. ప్ర‌జ‌ల‌కైతే అధిక ప‌న్ను రేట్ల బెడ‌ద ఉంది. ఇప్పుడు ప్ర‌భుత్వం వీట‌న్నింటికీ ప‌రిష్కారం చూపాల్సి ఉంది.