భార‌త్-22 ఈటీఎఫ్ ఫండ్‌కు మార్కెట్ల‌లో మొద‌టి రోజే మంచి స్పంద‌న వ‌చ్చింది. ఇష్యూ ధ‌ర రూ.35.97 కంటే 3.50%అద‌నంగా రూ.37.23 రేటుతో మార్కెట్ల‌లో ట్రేడింగ్‌ను ప్రారంభించింది. నిజానికి ఉద‌యం బీఎస్ఈలో ఒక్కో యూనిట్ 36.30 వ‌ద్ద ఈ ఎక్సేంజ్ ట్రేడెడ్ ఫండ్ లిస్ట‌యింది. ఈ నెల 14-17 తేదీల మ‌ధ్య ఈ ఈటీఎఫ్‌ను ప్ర‌భుత్వం ప్రారంభించిన సంగ‌తి తెలిసిందే.

బీఎస్ఈ ఎక్స్చేంజీలో ఈ ఈటీఎఫ్ బీ గ్రూప్‌లో 540787 నంబ‌రుతో కేటాయింపును అందుకుంది. మొత్తం నాలుగు సార్లు సబ్‌స్క్రిప్ష‌న్‌కు అందుబాటులో ఉంచ‌గా మొద‌ట రూ.8000 కోట్ల మేర ఇష్యూ జారీ అయింది. అయితే ప్ర‌భుత్వం ఇష్యూ సైజును రూ.14,500 కోట్ల‌కు పెంచింది. దీంతో ఈ ఎక్స్చేంజ్ ట్రేడెడ్ ఫండ్ ద్వారా కేంద్ర ప్ర‌భుత్వం రూ.14వేల కోట్ల‌ను సేక‌రించిన‌ట్ల‌యింది. ఇందులో మూడింట ఒక వంతు విదేశీ సంస్థాగ‌త మ‌దుప‌ర్ల నుంచి స్వీక‌రించారు. రిటైల్ మ‌దుప‌ర్ల నుంచి 1.45 రెట్లు, ప‌ద‌వీ విర‌మ‌ణ నిధులకు సంబంధించిన ఫండ్ల‌ నుంచి 1.50
రెట్లు, సంస్థాగ‌తేత‌ర మ‌దుప‌రులు, అర్హ‌త గ‌ల సంస్థాగ‌త కొనుగోలుదారులు(క్యూఐబీ) నుంచి 7 రెట్ల స్పంద‌న ఈ ఈటీఎఫ్ ఫండ్‌కు ల‌భించింది.