స్మార్ట్‌ఫోన్‌ కొనుగోలుదార్లకు మొబైల్ చోరీలు, మొబైల్ డ్యామేజీల వ‌ల్ల క‌లిగే న‌ష్టాల నుంచి ర‌క్ష‌ణ‌ అందించనున్నట్లు పేటీఎం మాల్‌ ప్రకటించింది. ప్రమాదవశాత్తు జరిగే నష్టాల నుంచి స్మార్ట్‌ఫోన్‌లకు రక్షణ లభిస్తుందని వాలెట్ దిగ్గ‌జం పేటీఎమ్ ప్ర‌క‌టించింది. ఈ పథకంలో భాగంగా ఫోన్‌ తెరకు ఏర్పడే నష్టం, లిక్విడ్‌ నష్టం, చోరీ సహా వివిధ ప్రమాదాల నుంచి సంభ‌వించే న‌ష్టాల‌కు న‌ష్ట‌ప‌రిహారాన్ని బీమా పాల‌సీ చెల్లిస్తుంది. ఈ ఇన్సూరెన్స్ కాల‌ప‌రిమితి ఏడాది పాటు బీమా ఉంటుందని ఈ-కామ‌ర్స్ సంస్థ‌ వెల్లడించింది.ఈ సేవ‌లు పొంద‌డానికి ఫోన్ మొత్తం ధ‌రలో 5 శాతం మేర ఖ‌ర్చ‌వుతుందని పేటీఎం మాల్‌ వివరించింది. యాపిల్‌, షియామీ, మోటరోలా, వివో, ఓపోతో పాటు వివిధ బ్రాండ్‌ల స్మార్ట్‌ఫోన్లకు ఈ ఆఫర్‌ లభించనుంది.