దేశ సావరిన్‌ రేటింగ్‌ను 13ఏళ్ల తరువాత అప్‌గ్రేడ్‌ చేయడం ద్వారా మూడీస్‌ ఇన్వెస్టర్ సర్వీసెస్‌ స్టాక్ మార్కెట్ల‌లో సరికొత్త జోష్ క‌నిపించింది. దీంతో ట్రేడింగ్‌ ప్రారంభంలోనే మార్కెట్లు జోరందుకున్నాయి. సెన్సెక్స్‌ క్వాడ్రపుల్‌ సెంచరీ సాధించి తొలుత 33,520 పాయింట్లను అధిగమించింది. ఈ బాటలో నిఫ్టీ సైతం 10,340ను దాటేసింది. ట్రేడింగ్ ముగిసే స‌రికి సెన్సెక్స్ 236 పాయింట్లు బ‌ల‌ప‌డి 33,343 వద్ద ముగిసింది. మ‌రో వైపు నిఫ్టీ 69 పాయింట్లు పుంజుకుని 10,284 వద్ద స్థిర‌ప‌డింది.

బీఎస్ఈ సెన్సెక్స్లో లాభ‌ప‌డ్డ షేర్ల వివ‌రాలు ఇలా ఉన్నాయి. టాటా ప‌వ‌ర్‌(5.02%), సిప్లా(2.64%),హెచ్‌డీఎఫ్‌సీ(2.23%) మారుతి సుజుకి(2.15%), టాటాస్టీల్(2.14%) అత్యధికంగా లాభాలు ఆర్జించాయి. ఇంకా లాభ‌ప‌డిన వాటిలో టాట మోటార్స్(1.92%), ఐసీఐసీఐ బ్యాంకు(1.86%) ఉన్నాయి.ఇన్ఫోసిస్(2.09%), టిసిఎస్ (-1.33%) న‌ష్టపోయిన వాటిలో ముందున్నాయి.