ద్ర‌వ్యోల్బ‌ణం మ‌ళ్లీ భ‌య‌పెడుతోంది. అక్టోబ‌ర్ నెల‌కు సంబంధించి దేశ టోకు ద్రవ్యోల్బ‌ణం ఆరు నెల‌ల గ‌రిష్ట స్థాయి 3.59% గా న‌మోద‌యింది. ఇంత‌కుముందు సెప్టెంబ‌రు నెల‌లో ఇది 2.6శాతంగా ఉంది. మ‌రో వైపు సీపీఐ ద్ర‌వ్యోల్బ‌ణం 3.58% వ‌ద్ద ఉంటూ ఏడు నెల‌ల గ‌రిష్ట స్థాయిని న‌మోదు చేయ‌డంతో ఈసారి పాల‌సీ స‌మీక్ష‌లో ఆర్బీఐ రేట్ల కోత‌కు మొగ్గుచూప‌క‌పోవ‌చ్చ‌ని అంచ‌నా వేస్తున్నారు.

ముఖ్యంగా ఆహార ద్ర‌వ్యోల్బ‌ణం విష‌యానికి వ‌స్తే ఉల్లిగ‌డ్డ‌లు, ట‌మోటాలు ధ‌ర‌ల మోత మోగిస్తున్నాయి. ఇంకా ఇంధ‌న ధ‌ర‌లు సైతం ప్రియ‌మ‌య్యాయి. తయారీ రంగ వ‌స్తువుల ధ‌ర‌ల్లో మాత్రం కాస్త త‌గ్గుద‌ల న‌మోదైంది. ఉల్లిగ‌డ్డ‌ల ధ‌ర‌లు ఏకంగా 122 శాతం పెరిగాయి. పండ్లు(3.91%), కూర‌గాయ‌లు(37%) సైతం ధ‌ర‌ల మోత మోగించాయి. అయితే బంగాళ‌దుంప‌లు మాత్రం 44.29% త‌గ్గి ఫ‌ర్వాలేద‌నిపించాయి. తృణ ధాన్యాలు సైతం 31.05% మేర తగ్గుద‌ల‌ను క‌న‌బ‌రిచాయి.

telugu.goodreturns.in