ఎయిర్ ఏసియా నుంచి త‌క్కువ ధ‌ర‌కే విమాన టిక్కెట్లు

మలేసియా బ‌డ్జెట్ ఎయిర్‌లైన్స్ సంస్థ ఎయిర్ ఏసియా ఈ రోజు డిస్కౌంట్ ఆఫ‌ర్లు ప్ర‌క‌టించింది. భార‌త్‌లో చేసే ప్ర‌యాణాల‌కు రూ.99, అంత‌ర్జాతీయ విమాన ప్ర‌యాణాల‌కు రూ.444 ధ‌ర‌ల‌తో టిక్కెట్ల రేట్ల త‌గ్గింపు ఆఫ‌ర్‌ను ప‌రిమితి కాలానికి అందుబాటులో ఉంచింది. వ‌చ్చే ఏడాది మే నుంచి జ‌న‌వరి, 2019 మ‌ధ్య చేసే ప్ర‌యాణాల‌కు ఈ ఆఫ‌ర్ వ‌ర్తిస్తుంద‌ని ఎయిర్‌లైన్ సంస్థ ఒక ప్ర‌క‌ట‌న‌లో పేర్కొంది.
ఆఫ‌ర్తో కూడిన‌ టిక్కెట్లు ఎయిర్ఏసియా వెబ్సైట్లో అందుబాటులో ఉన్నాయి. ఈ ఆఫ‌ర్ కింద బుక్ చేసేందుకు న‌వంబ‌రు 19 వ‌ర‌కూ వీలుంటుంది. అయితే ఎయిర్ఏసియా వెబ్‌సైట్, మొబైల్ యాప్ ద్వారా చేసుకునే వారికి మాత్ర‌మే ఆఫ‌ర్ అందుబాటులో ఉంటుంది.

బ్యాంకాక్ వెళ్లే విమానాల‌కు జైపూర్, కోల్‌క‌త‌, కొచ్చిన్, చెన్నై, బెంగుళూరు న‌గ‌రాల నుంచి మాత్ర‌మే ఆఫ‌ర్ అందుబాటులో ఉంది. అంతర్జాతీయ ప్రయాణాల్లో భాగంగా కౌలాలంపూర్ వెళ్లాల‌నుకునేవారు తిరుచిరాప‌ల్లి, కొచ్చిన్, ఢిల్లీ, భువ‌నేశ్వ‌ర్,జైపూర్, బాలి, ముంబ‌యి, కోల్క‌త విమానశ్ర‌యాల నుంచి టికెట్ బుక్ చేసుకుంటేనే ఆఫ‌ర్ వ‌ర్తించే వీలుంది.