అక్టోబ‌ర్ నెల‌కు అమెరికా దేశ నిరుద్యోగిత రేటు 17 ఏళ్ల క‌నిష్టానికి చేరింది. త‌మ పాల‌సీలు బాగా ప‌నిచేస్తున్నాయ‌ని అందుకే నిరుద్యోగ రేటు త‌గ్గింద‌ని అమెరికా అధ్య‌క్షుడు డొనాల్డ్ ట్రంప్ చెబుతున్నారు. కార్మిక శాఖ నెల‌వారీ వెల్ల‌డించే గ‌ణాంకాల ఆధారంగా ఈ వివ‌రాలు వెల్ల‌డ‌య్యాయి. నిజానికి గ‌త ఎండాకాలం త‌ర్వాత అమెరికాలో వ‌రుస‌గా రెండు హుర్రికేన్లు రావ‌డంతో వృద్ది మంద‌గించి నిరుద్యోగిత రేటుపైన తీవ్ర ప్ర‌భావం ఉంటుంద‌ని అంచ‌నా వేసినా దానికి భిన్నంగా జ‌రిగింది. అయితే ఇప్పుడు విడుద‌లైన నిరుద్యోగిత స‌మాచారం కొంత వ‌ర‌కూ పైకి బాగానే ఉన్న‌ట్లు క‌నిపిస్తున్నా క్రితం ఏడాది ఒబామా పాల‌న‌లో ఉన్నదాని కంటే నిరుద్యోగిత రేటు ఎక్కువ‌గానే ఉండ‌టం గ‌మ‌నార్హం.