For Quick Alerts
For Daily Alerts
జనవరి నుంచి బంగారు ఆభరణాలకు హాల్మార్కింగ్ తప్పనిసరి
వినియోగదారు కొనుగోలు చేసే ప్రతి బంగారు ఆభరణం నాణ్యతను తెలుసుకోవాల్సిన అవసరం ఉందని, అందుకోసం కేంద్రం హాల్మార్కింగ్ను తప్పనిసరి చేసేలా నిబంధనలను మారుస్తోందని కేంద్ర వినియోగదారుల వ్యవ
|
వినియోగదారు కొనుగోలు చేసే ప్రతి బంగారు ఆభరణం నాణ్యతను తెలుసుకోవాల్సిన అవసరం ఉందని, అందుకోసం కేంద్రం హాల్మార్కింగ్ను తప్పనిసరి చేసేలా నిబంధనలను మారుస్తోందని కేంద్ర వినియోగదారుల వ్యవహారాల మంత్రి రామ్విలాస్ పాశ్వాన్ వెల్లడించారు. ప్రస్తుతం వ్యాపారుల వద్ద బంగారం కొంటున్న ప్రజలు ఏ రకమైన బంగారం కొంటున్నారో, అది నకిలీదో కాదో తెలుసుకునేందుకు పూర్తిగా అవకాశాల్లేవు. కొంత మంది నాణ్యతను కనుక్కోలేకుండా ఉన్నారు. ఇకపై బంగారు అమ్మకందార్లు ఆభరణాలపై కేవలం హాల్మార్క్ విలువనే కాకుండా, అది ఎన్ని కారెట్లతో తయారైందనే విషయాన్ని కూడా ముంద్రించాల్సి ఉంటుందని పాశ్వాన్ చెప్పారు. శుక్రవారం ప్రపంచ ప్రమాణాల దినోత్సవం సందర్భంగా ఒక కార్యక్రమంలో పాల్గొన్న ఆయన ఈ విషయాలను వెల్లడించారు.
వినియోగదారు వ్యవహారాల శాఖ బీఐఎస్ చట్టం, 2016 కింద హాల్మార్కింగ్ నిబంధనలు రూపొందించే పనిలో ఉందని మంత్రి తెలిపారు. నిబంధనల మార్పు కారణంగా దేశంలో కేవలం 14,18,22 కారెట్ల బంగారాన్ని మాత్రమే అమ్మేందుకు వీలవుతుందని అన్నారు. ప్రస్తుతం బంగారం అమ్మే దుకాణాల్లో చాల రకాల కారెట్ల పేరుతో విక్రయాలు సాగుతున్నాయి. ఈ తప్పనిసరి హాల్మార్కింగ్ను జనవరి నుంచి అమలు చేసేలా తమ అధికారులను ఆదేశించినట్లు మంత్రి చెప్పారు.
Comments
English summary
జనవరి నుంచి బంగారు ఆభరణాలకు హాల్మార్కింగ్ తప్పనిసరి | Hallmarking of gold jewellery to be made compulsory from Jan
Story first published: Saturday, November 4, 2017, 16:35 [IST]