దేశంలోని టెలికామ్ సర్వీస్ ప్రొవైడర్లలో ఒకటైన టెలినార్ తెలంగాణ, ఆంధ్రప్రదేశ్ రాష్ట్రాల్లోని తమ ఖాతాదారుల కోసం సరికొత్త అపరిమిత ప్లాన్లను ప్రకటించింది. టెలినార్‌లో ప్రస్తుతం కొనసాగుతున్న, కొత్త కస్టమర్లకు ఎస్‌టివి 143, ఎఫ్‌ఆర్‌సి 148 అపరిమిత ఆఫర్లతో ఎస్‌టిడి, లోకల్ కాల్స్‌తో పాటు హైస్పీడ్ డేటా ప్రయోజనాలను కల్పించినట్లు ఇరురాష్ట్రాల టెలినార్ బిజినెస్ హెడ్ శ్రీనాథ్ కోటియన్ తెలిపారు. వినియోగదారుల అవసరాలకు అనుగుణంగా మారుతున్న పరిస్థితులను బట్టి తమ ప్రయత్నాలు కొనసాగుతూ ఉంటాయని ఆయన ఈ సందర్భంగా వెల్లడించారు.