ఫ్లిప్‌కార్ట్ 4 రోజుల పాటు ఆఫ‌ర్లు

దీపావళి పండుగ సంద‌ర్భంగా ఈ-కామర్స్ సంస్థలు ఒక్కొక్కటిగా రంగంలోకి దిగుతున్నాయి. తాజాగా ఫ్లిప్‌కార్ట్ ఆకర్షణీయమైన ఆఫర్లతో వచ్చేసింది. అక్టోబ‌ర్ 14 నుంచి 17వ తేదీ వరకు నాలుగు రోజులపాటు నిర్వహించనున్న ఈ సేల్‌లో మొబైల్స్‌పై భారీ ఆఫర్లు ప్రకటించింది. బై బ్యాక్ ఆఫర్‌తోపాటు హెచ్‌డీఎఫ్‌సీ బ్యాంక్ క్రెడిట్, డెబిట్ కార్డులతో కొనుగోలు చేసే వారికి అదనంగా పది శాతం రాయితీ ఇస్తోంది. హెచ్‌డీఎఫ్‌సీ, బజాజ్ ఫిన్‌సెర్వ్ కార్డులపై నో కాస్ట్- ఈఎంఐ ఆఫర్‌ ఉన్నట్టు తెలిపింది.

ఆఫర్ల వివరాలు..

షియోమీ రెడ్‌మీ నోట్ 4 అసలు ధర రూ.12,999 కాగా దానిని రూ.10,999కే అందిస్తోంది. మోటో సి ప్లస్‌ను రూ.5,999కే అందిస్తుండగా దాని అసలు ధర రూ.6,999. లెనోవో కే8 ప్లస్ (3జీబీ) అసలు ధర రూ.10,999 కాగా దానిని రూ.8,999కే ఇవ్వనున్నట్టు తెలిపింది.

ఎక్స్చేంజీ ద్వారా శాంసంగ్ ఫోన్లు

శాంసంగ్ గెలాక్సీ ఆన్ మ్యాక్స్2పై రూ.1000 తగ్గించి రూ.15,900, ఎక్స్‌చేంజ్‌పై రూ.3 వేలు అదనంగా ఇస్తోంది. శాంసంగ్ గెలాక్సీ ఎస్7 రూ.29,990కి విక్రయిస్తుండగా ఎక్స్‌చేంజ్‌పై మరో రూ.3వేలు అదనంగా ఇస్తోంది. మోటో ఈ4ప్లస్ రూ.9,499కే అందుబాటులో ఉంది. దీనిపైనా రూ.1000 ఎక్స్‌చేంజ్ ఆఫర్ ఉంది. ఇన్ఫినిక్స్ హాట్ 4 ప్రోను రూ.5,999కే అందుబాటులో ఉంచింది.

ఆఫ‌ర్లు ఈ ఫోన్ల‌పై సైతం

వీటితోపాటు మోటో టర్బో, మోటో ఎక్స్(32జీబీ), హువాయ్ పీ9, లీఎకో లీ మ్యాక్స్ 2, గూగుల్ పిక్సెల్ (32 జీబీ) తదితర వాటిపైనా కుప్పలు తెప్పలుగా ఆఫర్లు ప్రకటించింది. రెడ్ మీ నోట్ 4, లెనోవో కె8 ప్ల‌స్‌, షియోమీ రెడ్‌మీ 4ఏ, మోటీ సి ప్ల‌స్‌, మోటీ ఈ4 ప్ల‌స్‌, శాంసంగ్‌; ఐఫోన్ 7 ఫోన్ల‌పై ఆక‌ర్ష‌ణీయ ఆఫ‌ర్లను అందివ్వ‌నుంది.