ఎస్‌బీఐ అనుబంధ బ్యాంకుల చెక్కు పుస్త‌కాలు క‌లిగి ఉండి, ఇంకా వాటిని మార్చుకోలేదా? అయితే బాధ‌ప‌డ‌క్క‌ర్లేదు.
స్టేట్‌ బ్యాంకు ఆఫ్‌ ఇండియా అనుబంధ బ్యాంకుల పాత చెక్‌బుక్‌ల చెల్లుబాటు గడువును పెంచుతూ ఎస్‌బీఐ నిర్ణయం తీసుకుంది. ఆ బ్యాంకులకు సంబంధిం చిన పుస్తకాలు సెప్టెంబర్‌ 30 తర్వాత చెల్లబోవంటూ ఎస్‌బిఐ ఇది వరకు ప్రకటన చేసిన విషయం తెలిసిందే. కాగా పాత చెక్‌బుక్‌ల చెల్లుబాటు గడువును డిసెంబర్‌ 31 వరకు పొడగిస్తున్నట్లు బుధవారం ప్రకటిం చింది. ఇంతలోగా కొత్తవాటి కోసం దరఖాస్తు చేసుకోవాలని వినియోగదా రులకు ఆ బ్యాంకు ట్విట్టర్‌లో సూచించింది.

ఇంటర్నెట్‌, మొబైల్‌ బ్యాంకింగ్‌, ఎటిఎం, సొంత బ్యాంకు బ్రాంచీల నుంచి ఈ చెక్‌బుక్‌లకు దరఖాస్తు చేసుకోవచ్చని పేర్కొంది. ఈ ఏడాది ప్రారంభంలో ఎస్‌బిహెచ్‌తో పాటు ఐదు బ్యాంకులను ఎస్‌బిఐలో విలీనం చేసుకున్న విషయం తెలిసిందే. ఈ నేపథ్యంలోనే ఆయా అసోసియేట్‌ బ్యాంకుల పాత చెక్‌బుక్‌లను రద్దు చేయాలని ఎస్‌బిఐ నిర్ణయించింది.