దేశంలో అతిపెద్ద బ్యాంకు ఎస్‌బీఐ నూత‌న ఛైర్మ‌న్‌గా ర‌జ‌నీష్ కుమార్‌ను నియ‌మించారు. ఈ శుక్ర‌వారం అరుంధ‌తి భ‌ట్టాచార్య ప‌ద‌వీ కాలం ముగియ‌నుండ‌టంతో కొత్త చైర్మ‌న్ నియామ‌కం జ‌రిగింది. ర‌జ‌నీష్ కుమార్ ఈ ప‌ద‌విలో మూడేళ్ల పాటు ప‌నిచేస్తారు. ప్ర‌స్తుతం ఎస్‌బీఐ మేనేజింగ్ డైరెక్ట‌ర్ల‌లో ఒక‌రైన ఆయ‌న మూడు ద‌శాబ్దాల‌కు పైగా ఎస్‌బీఐ బ్యాంకులో ప‌నిచేశారు. న‌లుగురు ఎండీల‌ను ఇంట‌ర్వ్యూ చేసిన బ్యాంక్స్ బోర్డ్ బ్యూరో చివ‌ర‌కు చైర్మ‌న్ ప‌ద‌వికి త‌గిన వ్య‌క్తిగా ర‌జ‌నీష్‌ను ఎంపిక చేసింది.