ప్రభుత్వ రంగంలోని ఆంధ్రా బ్యాంకు రుణాలపై వడ్డీ రేట్లను తగ్గించినట్లు బుధ‌వారం ప్రకటించింది. మార్జినల్‌ కాస్ట్‌ ఆఫ్‌ ఫండ్స్‌ అధారిత రేట్ల (ఎంసిఎల్‌ఆర్‌)ను 15 బేసిస్‌ పాయింట్ల మేర కోత పెట్టినట్లు తెలిపింది. ఇక‌పై ఆంధ్రా బ్యాంకులో తీసుకునే రుణాల‌కు వ‌డ్డీ రేట్లు 9.55%గా అమ‌ల‌వుతాయి. పక్షం, నెల, మూడు నెలలు, ఆరు నెలలు ఏడాది కాలపరిమితి కలిగిన ఐదు కాలాలకు సంబంధించిన రుణాలపై వడ్డీ రేట్లలో మార్పులు చేసినట్లు పేర్కొంది. తగ్గించిన వడ్డీ రేట్లు అక్టోబ‌ర్ 1 నుంచి అమల్లోకి వచ్చాయని పేర్కొంది.